Studimi i botuar në revistën BMJ Open ka zbuluar se gratë shtatzëna që merrnin në të njejtën kohë medikamente kundër depresionit ishin në rrezik nga 15 deri në 52 përqind për zhvillimin e diabetit gestacional.
1 në 10 gratë shtatzëna mund të zhvillojnë diabet gestacional, i cili vë në rrezik foshnjet për mbipeshë shkruan Healthline, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Në anën tjetër, edhe nënat pas shtatzënisë mund të zhvillojnë diabetin e tipit 2 apo të kenë probleme me sëmundjet kardiovaskulare.
Marrja e medikamenteve kundër depresionit gjatë shtatzënisë ka qenë një ndërlidhje me diabetin gestacional.Mirëpo, profesionistët shëndetësore theksojnë se studimi nuk ka qartësuar se medikamentet domosdoshmërisht shkaktojnë diabet gestacional.
Lidhja mes diabetit gestacional dhe antidepresantëve
Për studimin e lartë përmendur janë përfshirë 9,741 gra shtatzëna që përdoren medikamente kundër depresionit kur filloi shtatzënia e tyre.
Gratë përdorën medikamente të ndryshme antidepresive duke përfshirë citalopram, fluoxetine, fluvoxamine, paroxetine dhe sertraline. Për më tepër disa morën venlafaksinë, e cila është një frenues i serotoninës-norepinefrinës (SNRI), dhe disa morën amitriptilinë, një antidepresiv triciklik.
Gratë që morën dy apo më shumë medikamente kundër depresionit, si amitriptilinë dhe venlafaksinë, kishin një rrezik më të lartë të zhvillimit të diabetit gestacional.
Së fundmi, studiuesit paralajmëruan se studimet në këtë lëmi do të vazhdojnë.
Ata nuk kanë treguar se antidepresantët shkaktojnë diabet gestacional, mirëpo ata besojnë se egziston një lidhshmëri./GazetaShneta/