Prof. Dr. Venera Berisha – Muharremi ka shpallur me krenari pjesëmarrjen e saj në Kongresin Ndërkombëtar për Tiroiden, që do të mbahet këtë vit në Rio de Janeiro, Brazil, nga 18 deri më 22 qershor 2025.
Pas suksesit të arritur në Japoni, Prof. Berisha – Muharremi ka ndarë emocionet e saj për këtë mundësi të rëndësishme, duke shprehur kënaqësinë për të qenë pjesë e këtij kongresi prestigjioz që mbahet çdo pesë vjet.
“Jam jashtëzakonisht e lumtur që jam pjesë e Kongresit më të madh botëror për Tiroiden – International Thyroid Congress, i cili mbahet çdo pesë vite dhe këtë vit organizohet në Rio de Janeiro, nga 18 deri më 22 qershor 2025.”, shkroi ajo në Facebook.
Organizatat mbështetëse të këtij kongresi janë: American Thyroid Association (ATA), European Thyroid Association (ETA), Asia & Oceania Thyroid Association (AOTA) dhe Latin American Thyroid Society (LATS).