Infeksionet dhe vdekjet nga COVID janë në rritje përsëri në Evropë, me Rusinë, Ukrainën dhe Rumaninë që regjistrojnë vdekjet më të larta në kontinent, tregoi një raport i AFP të martën.
Rreth 1,672,000 raste të reja janë regjistruar në kontinent gjatë javës së kaluar, një mesatare prej rreth 239,000 në ditë, shkruan MedicalxPress përcjell Gazeta Shneta.
Kjo ishte një rritje prej 18 për qind në krahasim me javën e kaluar, sipas të dhënave të AFP, të përpiluara nga burime zyrtare nga 52 vende dhe territore në rajon.
Rritja e rasteve ishte prej 60 për qind nga muaji gusht dhe shtator, kur u regjistruan rreth 150,000 raste të reja në ditë, treguan të dhënat.
Vendet më të prekura për sa i përket rasteve të reja janë Ukraina, Hungaria dhe Polonia.
Kur merren parasysh normat e infeksioneve – Letonia, Estonia dhe Gjeorgjia janë më të goditura.
Ndërsa në anën tjetër Kosova, Luksemburgu dhe Malta kanë shënuar rënie më të theksuar.
Por Evropa tani përbën 55 për qind të të gjitha rasteve të reja globalisht. Edhe vdekjet janë në rritje.
Më shumë se një e treta e vdekjeve të regjistruara në Evropë janë aktualisht në Rusi, e cila raportoi mesatarisht 1051 vdekje çdo ditë, e ndjekur nga Ukraina (485) dhe Rumania (420). /Gazeta Shneta/