Federata e Sindikatave të Shëndetësisë, sindikata e arsimit dhe ajo e Policisë së Kosovës kanë dal me një reagim të përbashkët ku është kërkuar zbatimi i Ligjit për Paga të miratuar në Kuvendin e Kosovës në fillim të këtij viti.
Ky reagim i sindikalistëve vjen pas takimit të zhvilluar me Avokatin e Popullit Hilmi Jashari. “Njoftojmë opinionin e gjerë të Republikës së Kosovës se Kryetarët e të tri Sindikatave SBASHK, FSSHK dhe SPK kanë zhvilluar takim me Avokatin e Popullit, ky takim është realizuar me qëllim të kjartësimit të situatës në lidhje me Ligjin e Pagave”.
“Duke mos dashur që të ndikojmë në punën e Avokatit të Popullit të njejtit ia kemi bërë me dije se nëse pagat e muajit Dhjetor nuk dalin me Ligj të ri atëherë pasojat janë të paparashikueshme, gjë të cilën nuk e dëshirojmë”.
“Pra edhe njëherë për opinionin e gjerë publik po i rikujtojmë se nëse ky ligj nuk hyn në fuqi i atakon rreth 60 mijë të punësuar në sektorin publik dhe mund të imagjinohet se qfarë pasoja sjell për ekonomitë e tyre familjare”, thuhet në reagim. /Gazeta Shneta/