Ministria e Shëndetësisë ka dal me një reagim për skandalin në Spitalin e Vushtrrisë, ku tre kirurgë po dyshohet të jenë korruptuar duke marr para nga pacientët për të kryer operacionet. Njëri nga kirurgët është Isuf Zekaj – anëtar i Bordit Drejtures të SHSKUK-së i emëruar nga Qeveria Kurti, por MSH nuk ka përmendur nëse do të iniciohet shkarkimi i tij
Nga MSH janë zotuar se pas marrjes së informacioneve zyrtare sot nga Spitali i Vushtrrisë, se tre kirurgët janë duke u hetuar nga Prokuroria, ditëve në vijim do të marrin masa sipas ligjit, transmeton Gazeta Shneta.
“Në lidhje me rastin e rapotuar në medie për rastin e Spitalit të Vushtrrisë, Ministria e Shëndetësisë përmes Bordit të ShSKUK- së, sot pasdite ka pranuar njoftimin zyrtar nga Spitali i Vushtrrisë, ‘Shekih Zajed’ së tre kirurgë tashmë një kohë janë duke u hetuar nën dyshimin për korrupsion. Ministria e Shëndetësisë dhe ShSKUK janë në dispozicion të organeve të hetuesisë në mënyrë që procesi i hetimeve të vazhdojë deri në zbardhjen e plotë, dhe njëkohësisht përmes mekanizmave brenda institucioneve ditëve në vijim do të ndërmarrim të gjitha masat e parapara ligjore”, thuhet në reagimin e MSH-së.
Gazeta Shneta ka raportuar sot për dyshimet se tre kirurgë kanë marr para nga pacientët për të kryer operacionet në Spitalin e Vushtrrisë. Gazeta ka publikuar katër video ku përfliten tre kirurgë, Isuf Zekaj, Ekrem Sefiu dhe Arsim Latifaj. Kujtojmë se Zekaj është anëtar i Bordit Drejtues të SHSKUK-së i emëruar nga Qeveria Kurti.
Nga MSH në reagimin e tyre nuk është përmendur fakti se Zekaj është anëtar i Bordit dhe nëse do të ndërmerren masa për shkarkimin e tij.
Rasti ishte iniciuar në Policinë e Kosovës nga gazetari Bujar Vitija më datën 3 tetor të vitit të kaluar dhe hetimet ndaj kirurgëve i ka konfirmuar edhe prokurorja e rastit Fetije Bajrami në Prokurorinë Themelore të Mitrovicës.
Më shumë detaje e gjeni hulumtimin e plotë në linkun më poshtë. /Gazeta Shneta/
Tre kirurgë dyshohet se morën para nga pacientët për të kryer operacionet në Spitalin e Vushtrrisë