Një recetë e tillë quhet “lazanja për bebet”, pasi që ka shijen e lazanjave.
Salca e domates i shton kësaj recete një dozë të shëndetshme antioksidantësh të fuqishëm si dhe shumë vitamin C. Plus ju mund t’i shtoni kësaj recete shumë perime të shëndetshme që ndoshta bebi juaj nuk i pëlqen zakonisht. Mua më pëlqen që në varësi të sezonit të përdor patëllxhan, karrota, kale, spinaq dhe kunguj. Në varësi të preferencave ju mund të shtoni pak rigon apo borzilok.
Përbërësit:
⦁ ½ qepë;
⦁ 2 karrota të prera në copa;
⦁ 2 lug salcë domate;
⦁ 1 filxhan lëng perimesh ose pule;
⦁ ½ filxhan makarona ( sipas dëshirës);
⦁ 1 kungull mesatar (ose patëllxhan, sipinaq, bizele, etj…)
⦁ 2 lugë djathë rikota;
⦁ 1 lugë djathë parmixhano i grirë.
Përgatitja:
- Në një tigan me nxehtësi mesatare skuqni qepën e prerë hollë deri sa të zbutet.
- Shtoni në tigan karrotat, perimet sipas dëshirës dhe salcën e domates.
- Gjatë kësaj kohe në një tenxhere me uji zieni makaronat
- Ndërkohë që perimet janë gatuar deri sa janë zbutur, i hiqni nga zjarri dhe shtoni rikoton dhe parmixhanon.
- I lini të ftohen dhe më pas i bëni pure së bashku me makaronat.
- Për të pasur një përbërje sa më kremoze mund të shtoni pak lëng pule apo perimesh gjatë përzierjes./pernenat.al/