Keni lindur një fëmijë kohët e fundit dhe ndiheni gati për të rritur përsëri familjen tuaj?
A po pyesni veten për kohën e përsosur mes të vegjëlve tuaj?
Të kesh një shtatzëni tjetër pa kohë adekuate për t’u shëruar nga trupi juaj, mund t’ju rrezikojë juve dhe foshnjën e re.
Furnizohuni me fakte, kështu që shtatzënia juaj e mëvonshme të jetë sa më e sigurt.
A mund të mbeteni shtatzënë menjëherë pas lindjes?
Ju mund të ovuloni dhe të mbeteni shtatzënë tre javë pas lindjes, shkruan Health News përcjell Gazeta Shneta.
Koha varet nga shumë faktorë, duke përfshirë mënyrën se si trupi juaj rikuperohet nga lindja.
Trupi i çdo gruaje është i ndryshëm. Për disa, rikthimi i menstruacioneve mund të zgjasë shumë më tepër. Tek gratë që nuk ushqejnë me gji, menstruacionet zakonisht kthehen në rreth 12 javë.
Ndërsa, ushqyerja me gji mund të vonojë rikthimin e ovulacionit për një kohë të gjatë, në varësi të asaj se sa shpesh ushqen foshnjen tuaj.
Ushqyerja e një fëmije sipas kërkesës – shpesh gjatë ditës dhe natës – inkurajon nivele të larta të hormonit prolaktinë, i cili ndalon prodhimin e hormoneve që shkaktojnë ovulimin.
Shumica e foshnjave në Shtetet e Bashkuara fillojnë të hanë ushqim të ngurtë dhe të ushqehen me gji më rrallë rreth gjashtë muajsh.
Për të mësuar më shumë rreth komplikimeve të shtatzënisë kliko këtu.
Ata gjithashtu inkurajohen të flenë për një kohë më të gjatë gjatë natës. Me këto kushte, ovulacioni zakonisht kthehet në kohën gjashtë muajshe, kur fillon shkëputja nga gjiri.
Ekspertët rekomandojnë që të merrni vitamina para lindjes dhe të hani një dietë të shëndetshme gjatë kohës që jeni duke ushqyer me gji.
Nëse planifikoni të mbeteni shtatzënë përsëri, sigurohuni që të merrni një vitaminë prenatale me të paktën 400 mikrogramë acid folik në ditë, duke filluar të paktën një muaj para se të mbeteni përsëri shtatzënë.
Edhe pse ushqyerja me gji mund të vonojë ovulimin, nuk është një metodë e besueshme e kontrollit të lindjes.
A është e sigurt të mbeteni përsëri shtatzënë menjëherë?
Mbetja shtatzënë menjëherë pas lindjes së një fëmije dhe lindja e sigurt është e mundur, por vjen me rreziqe të shtuara.
Kolegji Amerikan i Gjinekologëve këshillon të shmangni shtatzëninë brenda gjashtë muajve të parë të lindjes së një fëmije dhe të prisni 18 muaj midis shtatzënive për rezultatet më të mira.
Cilat janë rreziqet?
– Lindja e parakohshme. Nëse keni lindur një fëmijë të parakohshëm, rreziku për të pasur një lindje tjetër të parakohshme rritet me 14-47% nëse mbeteni përsëri shtatzënë menjëherë.
– Thyerja e mitrës. Nëse keni bërë një seksion cezarian, keni tre herë më shumë gjasa të keni këputje të mitrës gjatë lindjes nëse keni mbetur shtatzënë me më pak se 18 muaj midis shtatzënive. /Gazeta Shneta/