Mamia Razije Musa përmes një postimi në llogarinë e saj në Facebook ka theksuar se asnjëra nga mënyrat e të ushqyerit nuk shton peshë tek fëmijët dhe se nuk ka ndonjë mbështetje shkencore për këtë, duke bërë thirrje që nënat të mos ndikohen nga fjalët e grave.
“Të dashura nana nuk ekziston asnjë fakt shkencor që vërteton se fëmijët me formulë janë më të trashë, mënyra se si i ushqeni i bënë ata të trashë apo më vital.”, thekson mamia, shkruan Gazeta Shneta.
Ndërkaq, në lidhje me këtë, bën të ditur mamia Musa, i kishte shkruar një nënë duke i thënë se po ushqen fëmijën me formulë dhe se fëmija nuk po shtonte peshë të bëhej “duq”, siç shprehej ajo.
Gjithashtu, Musa bën thirrje që jo vetëm t’i ushqeni fëmijët, por edhe t’u dhuroni atyre dashuri e përkëdhelje, si dhe vëmendjen e duhur.
“Kuptojeni se fëmija kërkon edhe vëmendje edhe përkëdhelje edhe dashuri jo vetëm gji apo shishe”, shton më tutje Musa./Gazeta Shneta/