Në emisionin “Me zemër të hapur” prezente ishte Orjana Këllëzi, e cila rrëfeu dramën që u shkaktua nga burri i saj me nacionalitet amerikan. Ky i fundit e braktisi gruan e tij pasi mori vesh se ishte shtatzënë.
“Unë mendoja se nuk mund të bëja fëmijë. Nuk e prisja të ngelja shtatzënë. Shkoja në banesën e Polit, e kishte përballë liceut.
Kur ai ikte në punë, i pastroja shtëpinë, laja rroba, i hekurosja rrobat. Kur mbeta shtatzënë dhe i tregova, ai u zhduk. Shkova tek banesa e tij, por roja i pallatit më tha se nuk banonte më aty.
Nuk e di ku është tani”,rrëfeu Orjana në një lidhje telefonike për News24.
E pashpresë, në muajin e 7-të të shtatzënisë, Orjana niset drejt Piaçencës në Itali, ku dëshironte të rinovonte letrat pasi zyrtarisht ajo figuronte e martuar me shtetasin italian.
Më datën 8 maj asaj i kanë marrë djalin në shërbimin social dhe nuk ia japin me pretendimin se 32-vjeçarja nuk është e aftë ta rrisë.
“Fëmijën ma kanë marrë në maj dhe nuk më lënë ta shoh më. Në 8 maj unë dola me djalin dhe më qëlluan në kokë e përfundova në spital. Kur dola nga spitali, fëmijën e kishte marrë asistentja sociale dhe tani nuk ma lënë më sepse thonë jam e papërshtatshme.
Djali im ka edhe disa probleme shëndetësore dhe kujdesesha në maksimum për të. Jam e pashpresë.
I bëj apel shtetit shqiptar pasi nuk kërkoj asgjë, vetëm të më ndihmojnë të marr djalin”, apelon 32-vjeçarja, e cila është e gatshme që të kthehet të jetojë edhe në Shqipëri vetëm të marrë djalin,” rrëfen ndër të tjera nëna e ve.