Që nga momenti i konceptimit, foshnja juaj ka informacionin gjenetik për t’u bërë djalë ose vajzë – por për shkak se të dy gjinitë fillojnë njësoj në barkun e nënës, do t’ju duhet të prisni për ta zbuluar vetë këtë informacion.
Për disa prindër, është një nga pjesët më emocionuese të të qenit shtatzënë: zbulimi i seksit të fëmijës suaj.
Por çfarë përcakton saktësisht seksin e një fëmije dhe si zhvillohet e gjitha?
Kur përcaktohet seksi i foshnjës?
Seksi përcaktohet në konceptim nga kombinimi i kromozomeve seksuale X dhe Y që fëmija merr nga veza dhe sperma. Të gjitha vezët përmbajnë një kromozom X, ndërsa spermatozoidet përmbajnë ose një kromozom X ose një kromozom Y, shkruan burimi What to Expect përcjell Gazeta Shneta.
Embrionet me kromozome XY zhvillojnë organet seksuale mashkullore, ndërsa ato me kromozome XX zhvillojnë organet seksuale femërore.
Kjo do të thotë se sperma përcakton seksin e një fëmije!
Ka 70 gjene të ndryshme të vendosura në kromozomet seksuale që përcaktojnë seksin e foshnjës.
Gjatë gjithë shtatzënisë, ekspozimi ndaj hormoneve të vendosura nga gjenet e fëmijës suaj ndikon në anatominë, fiziologjinë dhe madje edhe sjelljen e foshnjës.
Deri në javën e 7-të ose në javën e 8-të të shtatzënisë, të dy gjinitë kanë atë që njihet si “kreshti gjenital” – d.m.th. një grup identik paraprak i organeve gjenitale që përfundimisht do të diferencohen për t’u bërë organe seksuale mashkullore ose femërore.
Kjo do të thotë se organet tona seksuale vijnë nga të njëjtat themele: testikujt tek meshkujt janë të barazvlefshëm me labitë dhe vezoret tek femrat, dhe penisi është ekuivalenti i klitorisit.
Për të mësuar më shumë rreth komplikimeve të shtatzënisë KLIKO KËTU.
Kur një embrion bëhet mashkull apo femër?
Midis javës së 7-të dhe javës së 12-të të shtatzënisë, zhvillohen baza e organeve seksuale të foshnjës tuaj.
Seksi mashkullor
Nëse nuk do të ishte për hormonin mashkullor testosteron, të gjitha foshnjat do të zhvillonin organet seksuale femërore. Rreth javës së 7-të, organet gjenitale mashkullore fillojnë të zhvillohen kur kromozomi Y sinjalizon fillimin e prodhimit të testosteronit.
Rreth javës së 9-të, organet gjenitale të një foshnje djali fillojnë procesin e të qenit mashkull.
Seksi femëror
Tek vajzat, vezoret do të shfaqen fillimisht rreth javës 11 deri në 12 të shtatzënisë. Dhe rreth javës së 20-të, një vajzë do të ketë diku afër 7 milionë vezë primitive. Ky numër mahnitës përfundimisht do të zvogëlohet në rreth 2 milionë deri në momentin që ajo të lindë.
Në javën e 22-të, vagina hapet në sipërfaqen e perineumit.
Kur mund të dalloni gjininë e një fëmije?
Rreth javës 18 deri në 22 të shtatzënisë, një ekografi anatomike e nivelit dy zakonisht mund të përcaktojë nëse një fëmijë është mashkull apo femër.
Një ekografi e bërë në javën e 13-të – zakonisht si pjesë e ekzaminimit rutinorë- mund të japë gjithashtu një të dhënë shumë të mirë për gjininë e fëmijës suaj. /Gazeta Shneta/