Të qenit shtatzënë është një nga proceset më të lodhshme – jo vetëm fizikisht, por edhe metabolikisht, tregon një studim i ri i botuar në revistën “Science”.
Sipas studimit, trupi i një gruaje shpenzon rreth 49,753 kalori gjatë shtatzënisë për të krijuar dhe mbajtur një foshnjë – ekuivalente me 164 çokollata Snickers, thekson bashkautori Dr. Dustin Marshall, profesor i biologjisë evolucionare në Universitetin Monash të Melburnit, raporton CNN përcjell Gazeta Shneta.
Studiuesit analizuan të dhëna nga mijëra artikuj shkencorë që përfshinin lloje të ndryshme speciesh, për të vlerësuar koston energjetike të riprodhimit. Ata zbuluan se shtatzënia kërkon shumë më tepër energji sesa mendohej më parë, jo vetëm tek njerëzit, por edhe në natyrë.
Dr. Samuel Ginther, bashkautor i studimit, theksoi se pjesa më e madhe e energjisë së trupit gjatë shtatzënisë shkon për zhvillimin dhe mirëmbajtjen e fetusit, ndërsa vetëm rreth 10% e saj përfundon te vetë foshnja. Kur përfshihen edhe kostot e laktacionit, foshnja përfaqëson më pak se 5% të investimit total energjetik të nënës.
Sipas Dr. Eve Feinberg, profesoreshë e obstetrikës dhe gjinekologjisë në Universitetin Northwestern, ky studim “hedh dritë mbi realitetin biologjik të rraskapitjes që përjetojnë gratë shtatzëna” dhe thekson rëndësinë e kuptimit të nevojave reale ushqyese dhe metabolike gjatë kësaj periudhe. /Gazeta Shneta/