Shumë gra preken nga infeksionet urinare, si shkak i këtij veprimi të shpeshtë

2017-07-05 në ora 17:53

Ndoshta jeni në një marrëdhënie “fringo”, ose sapo keni shkuar në një udhëtim romantik me bashkëshortin, apo keni lidhje në distancë të largët dhe më në fund jeni takuar me partnerin. Sido qoftë arsyeja, duhet të dini se nëse kryeni marrëdhënie shumë herë në një periudhë të shkurtër kohe, mund të përfundoni me një efekt anësor të padëshirueshëm: infeksion urinar.

Nëse jeni prekur nga ky infeksion i mërzitshëm dhe i dhimbshëm njëkohësisht, nuk jeni të vetmet. Madje, ekspertët kanë edhe një emër për të: cistitet e muajit të mjaltit.

Mund të tingëllojë bukur, por ekspertët e përdorin këtë term për të shpjeguar tendencën e femrave për t’u prekur nga infeksion pasi kanë kryer marrëdhënie shumë herë.

“Uretra – tubi që fillon nga jashtë deri në fshikëzën e uirnës – është me pak fjalë afër vagjinës”, thotë obstetër-gjinekologia Mary Jane Minkin, profesoreshë tek Shkolla Mjekësore Yale. Kur kryeni marrëdhënie seksuale, bakteri nga vagina mund të prekë retrën dhe nga aty kalon në fshikëz. Dhe, kur kryeni marrëdhënie shumë herë në një periudhë të shkurtër kohe, rrezikoheni më shumë nga ky infeksion.

Çfarë mund të bëni për këtë? Ekspertët sugjerojnë lubrikimin për të parandaluar irritimin i cili i tërheq më shumë infeksionet. Po ashtu, urinimi para dhe pasi të kryeni marrëdhënie seksuale mund t’ju ndihmojë.

Një mënyrë tjetër janë ekstraktet e boronicës të cilat i mbajnë infeksionet larg nga fërkimi me muret e fshikëzës. Mund të konsultoheni edhe me mjekun për të marrë antibiotikë sa herë që kryeni marrëdhënie, kështu do të rriten nivelet e antitrupave në urinë.

Mirëpo, nëse keni shumë kohë me një infeksion të tillë, ekspertët sugjerojnë një kontroll tek mjeku urolog për të parë nëse keni ndonjë problem me fshikëzën që ju rrezikon nga këto infeksione. Mos u shqetësoni, mjeku do të ketë një sërë zgjidhjes që janë më pak drastike sesa heqja dorë nga seksi./Gazeta Shëndeti/