Çfarë do të thotë të “nxitësh lindjen?” Shkaktimi i lindjes së qëllimshme është fillimi artificial i procesit të lindjes përmes ndërhyrjeve mjekësore ose metodave të tjera.
Nëse induksioni nuk është bërë për arsye mjekësore ose si urgjencë, kjo konsiderohet me zgjedhje të vet nënës shkruan American Pregnancy Association, përcjell Gazeta Shneta.
Sidoqoftë, sipas Kolegjit Amerikan të Obstetërve dhe Gjinekologëve, lindja duhet të shkaktohet vetëm kur është më e rrezikshme që foshnja të mbetet brenda mitrës së nënës sesa të lindë.
Cilat janë disa arsye mjekësore për nxitjen e lindjes?
Nxitja e lindjes ka të ngjarë të shkaktohet kur kemi gjendje si:
– Ndonjë ndërlikim me hipertensioni, preeklampsia, sëmundja e zemrës, diabeti gestacional ose gjakderdhje gjatë shtatzënisë.
– Pastaj kur foshnja rrezikon të mos marrë lëndë ushqyese dhe oksigjen të mjaftueshëm nga placenta.
– Në rastet kur qesja amniotike është çarë, por lindja nuk ka filluar brenda 24-48 orëve.
Për të mësuar më shumë rreth komplikimeve të shtatzënisë KLIKO KËTU.
Si induktohet procesi i tillë i lindjes?
Procesi i lindjes mund të nxitet nga metodat e mëposhtme:
– Medikamente
Prostaglandina: Supozitorët futen në vaginë gjatë mbrëmjes duke bërë që mitra të hyjë në lindje deri në mëngjes.
Një avantazh i kësaj metode është se nëna është e lirë të lëvizë nëpër dhomën e lindjes.
Oksitocina: Trupi natyrshëm prodhon hormonin oksitocin për të stimuluar kontraktimet. Pitocina dhe Sintocinona janë ilaçe të markës që janë forma të oksitocinës.
Ato mund të jepen përmes injektimit intravenoz në doza të ulëta për të stimuluar kontraktimet.
Avantazhet e oksitocinës janë se mund të fillojë lindjen, e cila mund të mos ketë filluar më vete dhe mund të përshpejtojë ritmin e procesit të lindjes.
Mirëpo, kemi dhe disavantazhet e barit të oksitocinës kur lindja mund të përparojë shumë shpejt, duke bërë që kontraktimet të bëhen të vështira për tu menaxhuar pa ilaçe kundër dhimbjes.
Oksitocina mund të ketë nevojë të ndërpritet nëse kontraktimet bëhen shumë të fuqishme dhe janë afër njëra-tjetrës.
– Prishja artificiale e membranave
Kur qesja amniotike, prishet ose çahet – prodhimi i prostaglandinës rritet, duke përshpejtuar kontraktimet.
Disa ofrues të kujdesit shëndetësor mund të sugjerojnë çarjen e membranës amniotike në mënyrë artificiale. /Gazeta Shneta/