Vetëm se keni astmë nuk do të thotë që nuk mund të keni një shtatzëni të shëndetshme. Por ju duhet të mbani nën kontroll astmën tuaj.
Rreth një e treta e grave shtatzëna me astmë do të zbulojnë se simptomat e tyre përmirësohen gjatë shtatzënisë, një e treta do të ketë astmë më të keqe dhe një e treta do të ketë simptoma të qëndrueshme të sëmundjes shkruan webmd, transmeton GazetaShneta.
Po sikur astma të mos kontrollohet mirë gjatë shtatzënisë?
Nëse astma juaj nuk kontrollohet, nivelet e oksigjenit në gjakun tuaj mund të bien. Kjo do të thotë që foshnja juaj, e cila merr oksigjen nga gjaku juaj, nuk do të marrë sa duhet. Kontrolli i mirë i astmës gjithashtu ul rrezikun për komplikime të shtatzënisë siç janë lindja e parakohshme, pesha e ulët e lindjes dhe preeklampsia (presioni i lartë i rrezikshëm i gjakut gjatë shtatzënisë).
A mund të përdoret inhalatori gjatë shtatzënisë?
Nëse nuk e kontrolloni astmën tuaj si duhet gjatë shtatëzanisë, ka shumë më shumë të ngjarë të dëmtoni veten dhe foshnjën tuaj sesa nëse përdorni ilaçet e duhura për të kontrolluar astmën tuaj.
Është mirë të përdorni një inhalator. Ilaçet me veprim të shkurtër në inhalatorin tuaj të përdorimit të përditshëm, si albuterol, levalbuterol, pirbuterol dhe ipratropium, janë të gjitha të sigurta për nënën dhe fëmijën. Gjithashtu, kurimi i astmës ul rrezikun e sulmeve dhe ndihmon që mushkëritë tuaja të funksionojnë më mirë.
Gjëja më e mirë për të bërë është të bisedoni me mjekun tuaj./GazetaShneta/