Një nga shqetësimet më të zakonshme të nënave, e sidomos të nënave të reja, është pa dyshim të ushqyerit e foshnjes.
Ju mund të shqetësoheni se përse foshnja refuzon qumështin, bëheni merak nëse gjinjtë tuaj nuk janë të mbushur tamam me qumësht ose edhe e kundërta, përse gjinjtë tuaj po prodhojnë qumësht me sasi të ekzagjëruar.
Të gjitha këtyre shqetësimeve ju do të arrini t’u jepni përgjigje përgjatë përvojës si nënë dhe prind, shkruan GazetaShneta.
Por a ju ka shkuar ndonjëherë në mend nëse foshnja është duke u ushqyer mjaftueshëm. Mos ndoshta janë ende të uritur apo ndoshta edhe kanë pirë tej mase…
Në një blog për nëna në Instagram “fruitfulwomenng”, është postuar një manual i thjeshtë me duart e foshnjes të cilat tregojnë shumë saktë nëse foshnja është e ngopur apo ka nevojë edhe për ca qumësht shtesë.
Pra herës tjetër, kur ju jeni duke e ushqyer foshnjën tuaj, ju mund të përdorni duart e tyre për të parë se sa e uritur është.
Si funksionon?
Duart e shtrënguara: Nënkuptojnë se fëmija është i uritur. Nëse e vëreni një shtrëngesë në duart e tyre, kjo ju paralajmëron se foshnja është ende e uritur dhe ka nevojë të ushqehet ende.
Duart e shtendosura: Ndërsa, kur foshnja fillon të shlirojë duart dhe kur pëllëmbët dhe gishtërinjtë janë plotësisht të zgjatuara, kjo është një shenjë që ju tregon se koha e ushqimit ka mbaruar./GazetaShneta/
View this post on Instagram