Është shumë e thjeshtë të përgatisni ushqim shtëpie për bebin tuaj. Mund të përdorni mish viçi, qingji, pule apo gjeli. Nëse përdorni shpendë, mund ta reduktoni në gjysmë kohën e gatimit të mishit. Mishi i viçit bëhet pure në procesorin e ushqimit. Mund dhe të ngrihet në frigorifer, nëse dëshironi. Kjo recetë është për bebe 6-12 muajsh.
Përbërësit:
- 2 lugë gjelle yndyrë ose vaj
- 680 gr mish të zier pa kocka, të prera në kobe 2 cm
- 1/3 gotë miell
- 3 gota lëng (ujë, lëng frutash ose perimesh)
- 4 patate të mesme, të qëruara dhe të prera
- 5 karota të mesme, të qëruara dhe të prera
- 280 gr bizele të ngrira (ose perime tjetër e gjelbër)
Koha e përgatitjes 105 minuta
Si ta përgatisni
Ngroheni yndyrën në një tigan të madh dhe të rëndë në një flakë mesatare-të lartë. Lyejeni mishin në miell dhe jepini pak ngjyrë në tigan. Shtoni lëngun dhe mbylleni fort enën. Ziejeni në flakë të mesme për 1 orë e gjysmë. Shtoni patatet dhe karotat. Mbulojeni dhe ziejeni dhe për 15 minuta. Shtoni bizelet e ngrira, mbulojeni dhe ziejeni për 5 minuta. Kalojeni në frulator ta bëni pure. Mund ta ruani në frigorifer për 2 ditë ose në ngrirje për 2-3 muaj.
Çdo perim mund të zëvendësohet dhe ½ gote oriz mund të zëvendësojë patatet. Bëhen gjithsesj 4-5 gota pure