Mbase gjidhënia po ju shkon mirë dhe i keni kaluar sfidat kryesore.
Por vjen një moment kur ju duhet të ktheheni në punë, apo thjesht doni të dilni një natë me shoqëri, dhe përgatisni shishen e qumështit për beben. Por bebeja refuzon të pijë nga shishja. Cka të bëni?
Fillimisht, duhet ta dini se bebet mund ta refuzojnë shishen e qumështit për arsye të ndryshme. Me kalimin e kohës, bebet fillojnë të lëvizin më tepër dhe të kenë më shumë kontroll mbi trupin e tyre, andaj edhe mund ta largojnë shishen me duar. Po ashtu, kur fëmijët mësohen duke thithur gjirin e nënës, do ta dallojnë nga biberoni, prandaj në momentin që filloni t’i ushqeni me shishe, mund ta refuzojnë ndryshimin.
Ne ju sjellim 7 këshilla për t’a mësuar më lehtë fëmijën që ta pranojë shishen e qumështit:
- Jepjani ndonjë personi tjetër ta ushqejë
- Ofrojani shishen në pozita të ndryshme të të ushqyerit
- Silluni përreth teksa ia ofroni shishen me qumësht
- Provoni biberonë të ndryshëm, derisa ta gjeni të duhurin
- Provoni t’ia jepni shishen kur është në gjumë
- Provoni t’ia ofroni shishen kur i bëni banjë, sepse janë më të relaksuar
- Provoni t’ia ofroni qumështin me një filxhan apo lugë të vogël
Në fillim mund të jetë stresuese dhe e lodhshme, derisa t’i mësoni të pinë qumësht me shishe, por me pak durim dhe duke ndjekur këshillat, do ta tejkaloni edhe këtë sfidë. /Gazeta Shneta/