Testet e shtatzënisë janë një pjesë e rëndësishme e jetës. Ato mund të ju sjellin lajme të mira, ose të këqija, varësisht se çfarë po prisni. Pra, ekzistojnë shumë mundësi kur vendosni të merrni një test shtatzënie dhe ndonjëherë është e vështirë të gjeni atë që kërkoni. Diçka shumë me rëndësi në këtë pikë është: skadimi i testit të shtatzënisë.
Praktikisht, testi juaj i shtatzënisë mund të skadojë. Ata mund të jenë mjaftueshëm të mirë nga dy deri në tre vjet, tregon doktoresha Christine Greves M.D. antare e bordit tek Spitali i Grave dhe i Bebeve Winnie Palmer. Nëse e përdorni pas kalimit të datës së vendosur në paketim, atëherë ju mund të mos merrni rezultatet e duhura.
Testet e shtatzënisë mund të detektojnë nëse urina juaj përmbanë hormonin e quajtur korionik gonadotropin. Ky hormon krijohet pasiqë veza e fertilizuar ngjitet për murin e mitrës tuaj dhe është një indikator i mirë për shtatzëninë tuaj. Christine thotë se kemikalet në test janë të ndjeshme kështuqë testi bëhet më pak efektiv ndërkohë.
Kur shkoni të bleni një test për shtatzëni, kontrolloni afatin në mënyrë që të siguroheni se nuk ka skaduar. Nëse dëshironi të shihni nëse jeni shtatzënë para se të humbisni një periodë atëherë duhet të zgjedhni testin që vërtetë mund ta bëjë një gjë të tillë. Egzistojnë edhe testet dixhitale të shtatzënisë, të cilat ofrojnë lexim më të saktë sepse janë të dizajnuar që të marrin për bazë nivele më të ulta të hormonit që e përmendëm më lartë.
Nëse tashmë keni humbur një periodë, është mirë që të bëni testin qoftë edhe nga barnatorja më e lirë, që përsëri të siguroheni se nuk ka skaduar. Por, nëse jeni në dilemë të bleni një test më të shtrenjtë apo të shkoni me versionin më të lirë, atëherë është më mirë të shpenzoni pak më shumë dhe të jeni të sigurtë.