Tashmë jeni në prag të lindjes dhe jeni tepër të emocionuara në lidhje me atë që do të përjetoni, sigurisht keni edhe frikën e asaj që do të ndodhë me trupin tuaj pas lindjes.
Këto janë 9 gjërat që do të ndodhin me ju, pra përgatituni!
– Në trupin tuaj do të keni qepje edhe nëse lindja ka qënë natyrale. Në momentin e qepjes nuk do të ndieni gjë por më pas do të përballeni me këto dhimbje.
– Gjatë urinimit të parë pas lindjes do të keni djegie dhe infermierja mund të përdorë një sprai për t’ju qetësuar.
– Do të urinoni në një qese plastike. Kjo pasi mjekët duhet të matin sasinë e lëngjeve që hyjnë dhe dalin në trupin tuaj pas lindjes.
– Të gjithë do t’ju pyesin nëse keni apo jo gazra. Kjo ndodh kur bëni një lindje me operacion. Nëse do të filloni të keni gazra do të thotë se organizmi juaj po punon në mënyrën e duhur. Me shumë mundësi, nuk do të lejoheni të hani ushqim para se të keni gazrat.
– Defekimi i parë do të jetë disi i dhimbshëm, prandaj mjeku mund të përshkruajë edhe disa medikamente për ta bërë këtë më të lehtë.
– Nuk do të mund të pastroheni me letër higjenike si pasojë e penjëve që keni dhe në lidhje me këtë do t’ju vijë në ndihmë vetëm uji.
– Mund të urinoni edhe në mënyrë të pavullnetshme. Kjo mund të ndodhë si pasojë e dobësimit të muskujve në zonën intime.
– Zona vaginale do të jetë disi e fryrë dhe kjo mund të zgjasë deri në 15 ditë. Do t’ju vijë në ndihmë një banjo e zgjatur rreth 15 min në ditë.
– Do të ndieni kruajtje në zonën vaginale dhe kjo kryesisht kur filloni të shëroheni. /pernenat