Një studim i publikuar në Nature Communications sugjeron se nivelet e larta të THC-së – përbërësi psikoaktiv i kanabisit – mund të ndikojnë në zhvillimin e vezëve dhe të rrisin rrezikun për probleme të fertilitetit, aborte spontane dhe çrregullime kromozomale tek embrionet.
Hulumtuesit analizuan mbi 1,000 mostra të lëngut ovarian nga gra që po i nënshtroheshin trajtimeve për fertilitet.
Tek 62 gra me prani të THC-së u vu re një normë më e lartë maturimi i vezëve, por më pak embrione me numër normal kromozomesh, shkruan HealthDay transmeton Gazeta Shneta.
Eksperimentet laboratorike treguan se ekspozimi 24-orësh ndaj THC-së lidhej me ndryshime strukturore që mund të pengojnë zhvillimin e shëndetshëm të embrionit.
Autorët theksojnë se studimi nuk provon lidhje shkak-pasojë dhe nevojiten kërkime të tjera. Megjithatë, ekspertë si Dr. Jamie Lo nga Universiteti i Shkencës dhe Shëndetit në Oregon paralajmërojnë se rezultatet duhet të nxisin kujdes te gratë që planifikojnë shtatzëni.
Ajo sugjeron reduktimin e përdorimit të kanabisit si pjesë e një strategjie për uljen e rrezikut.
Të dhënat vijnë në kohën kur përdorimi i kanabisit gjatë shtatzënisë është më shumë se trefishuar në SHBA nga viti 2002 deri më 2020, ndërsa përqendrimi i THC-së në produktet e kanabisit është rritur ndjeshëm gjatë dekadave të fundit./Gazeta Shneta/