Studimet kanë treguar se konsumimi i alkoolit gjatë shtatzënisë mund të ndryshojë trurin dhe zhvillimin e sjelljes së pasardhësve në shtatzëni.
Aktualisht, Qendra për Kontrollin dhe Parandalimin e Sëmundjeve (CDC), këshillon kundër konsumimit të alkoolit nga nëna gjatë shtatzënisë dhe deklaron se nuk ka një nivel të njohur të sigurt të konsumit, shkruan Medical Xpress përcjell Gazeta Shneta.
Megjithatë, cilat janë pasojat e nënave që konsumojnë alkool gjatë ushqyerjes me gji?
Një ekip hulumtues në Universitetin e Kalifornisë, Riverside, kreu një studim me minj për të zbuluar këto efekte.
I udhëhequr nga Kelly Huffman, profesoreshë e psikologjisë, ekipi zbuloi se ekspozimi i foshnjave ndaj alkoolit nëpërmjet qumështit të gjirit mund të ketë efekte afatgjata në zhvillimin e tyre.
Në mënyrë të veçantë, minjtë e rinj që u ekspozuan ndaj alkoolit gjatë zhvillimit të hershëm tregojnë rritje më të vogël të trupit dhe trurit, si dhe ulje të gjatësisë kortikale – një masë e madhësisë së trurit.
Studimi u shfaq në revistën “Frontiers in Neuroscience”.
Hulumtimet tregojnë se afërsisht 36% e nënave gjidhënëse në Shtetet e Bashkuara konsumojnë alkool. Në Kanada dhe Australi, shifrat janë përkatësisht 20% dhe 60%.
Gratë që konsumojnë alkool gjatë shtatzënisë kanë më shumë gjasa të pinë gjatë ushqyerjes me gji. Gjithashtu, shumë gra që zgjedhin të abstenojnë nga pirja gjatë shtatzënisë raportojnë se kanë filluar të pinë përsëri menjëherë pas lindjes. /Gazeta Shneta/