Lidhur me këtë çështje ekspertët nuk kanë një përgjigje të prerë, sipas tyre përgjigja mund të jetë edhe po, por edhe jo.
Të vjellat e mëngjesit janë shenjë e mirë që nivelet e hormoneve të shtatzanisë janë të larta. Nga ana tjetër, nëse nuk keni të vjella në mëngjes, nuk është asnjë shenjë e keqe për shtatzaninë tuaj.
Mjekët thonë se nuk e dinë saktësisht çfarë i shkakton ato, por mendohet të kenë lidhje të fortë me hormonin gonadotrophin chorionic (hCG). Ky hormon prodhohet në javët e para të shtatzanisë, nga qelizat që formojnë një pjesë të placentës.
Nivelet e hCG arrijnë kulmin rreth javës së nëntë dhe pastaj fillojnë të bien pasi placenta prodhon hormone të tjera, estrogjen dhe progesteron.
Nëse jeni duke pritur binjakë ose trinjakë, niveli i hormoneve tuaja do të jetë shumë më i lartë e për pasojë do ta përjetoni këtë sëmundje më shumë se nënat që presin një fëmijë.
Nëse jeni më shumë të prirur të villni, para se të ngelni shtatzanë, është një shenjë që do të prekeni nga të vjellat e mëngjesit në shtatzani.
Por edhe nëse nuk keni të vjella është tërësisht normale dhe nuk ka arsye për t’u shqetësuar.
Përballja me të vjellat e mëngjesit mund të jetë e vështirë, veçanërisht nëse duhet të shkoni në punë. Por, është një nga shumë gjërat që duhet të durojnë shumica e nënave. /Gazeta Shneta/