Një studim grupor i më shumë se 900 grave shtatzëna ka zbuluar se trajtimi me antitrupa monoklonal për COVID-19 të butë deri në mesatar është i sigurt për përdorim klinik.
Efektet anësore të raportuara ishin gjithashtu të rralla dhe të lehta. Studimi është publikuar në Annals of Internal Medicine, shkruan Medical Xpress transmeton Gazeta Shneta.
Trajtimi me antitrupa monoklonal shoqërohet me ulje të shtrimit në spital dhe vdekje në pacientët ambulatorë me COVID-19 të butë deri në mesatar.
Shtatzënia konsiderohet aktualisht një faktor rreziku për sëmundje të rënda dhe udhëzimet rekomandojnë përdorimin e antitrupave monoklonal për trajtimin e grave shtatzëna me COVID-19. Megjithatë, të dhënat për efektivitetin dhe sigurinë janë të kufizuara.
Studiuesit nga shkolla e mjekësisë e Universitetit të Pitsburgut kryen një studim grupor me 944 gra shtatzëna midis prillit 2021 dhe janarit 2022.
Nga të gjithë pjesëmarrësit, 58% morën trajtim me antitrupa monoklonal dhe 69% e atyre grave iu dha sotrovimab.
Autorët zbuluan se në mesin e grave të trajtuara, efektet anësore të lidhura me barin ndodhën në 1.4% të pjesëmarrësve dhe nuk kishte dallime në ndonjë rezultat të lidhur me obstetrikën midis 778 nënave që lindën. /Gazeta Shneta/