Studiuesit mblodhën dhe rishikuan të dhënat e provës klinike mbi ushtrimet gjatë shtatëzanisë dhe nëse ajo luan një rol në lindjen e parakohshme, dhe zbuluan se ushtrimi është i sigurt dhe nuk rrit rrezikun e lindjes së parakohshme.
Për më tepër, gratë që ushtronin kanë më pak të ngjarë të kenë një seksion C se sa ato që nuk ushtronin. Studimi u botua në ‘American Journal of Obstetrics & Gynecology’ shkruan MedicalXpress përcjell Gazeta Shneta.
Historikisht, gratë ishin dekurajuar nga ushtrimet gjatë shtatëzanisë për shkak të rrezikut të lindjes së parakohshme.
“Mendimi ishte që ushtrimi lëshon norepinefrin në trup, e cila është një kimikate që mund të stimulojë kontraktimet e mitrës, dhe kështu të çojë në lindje të parakohshme”, thotë autori i studimit prof. Dr. Vincenzo Berghella.
“Por studime të shumta duke përfshirë dhe meta-analizën e re, kanë treguar që ushtrimi nuk dëmton foshnjën, dhe mund të ketë përfitime për nënën dhe foshnjën”.
Dr Berghella dhe bashkautorët e tij bashkuan të dhëna nga nëntë studime të kontrolluara të rasteve.
Nga 2,059 gra që janë përfshirë në analizë, rreth gjysma (1,022 gra) kanë ushtruar për 35-90 minuta 3-4 herë në javë për 10 javë ose më shumë deri në lindjen e tyre, ndërsa gjysma tjetër, (1.037 gra) nuk kanë qenë të angazhuara në ushtrime.
Studiuesit zbuluan se nuk kishte ndonjë rritje të konsiderueshme në lindjen e parakohshme, të përcaktuar si lindje para 37 javësh, në gratë që ushtronin karshi grave që nuk ushtronin.
Sidoqoftë, kishte disa përfitime. Gratë që ushtroheshin kishin më shumë të ngjarë të lindnin në mënyrë vaginale: 73 përqind e grave që ushtronin lindnin në mënyrë vaginale.
Në të njëjtën mënyrë, kishte një incidencë më të ulët të seksionit C në gratë që ushtronin gjatë shtatëzënësisë.
Ekzistonte gjithashtu incidencë më e ulët e diabetit gestacional, dhe nivele më të ulëta të presionit të lartë të gjakut në grupin e nënave që ushtronin rregullisht.
Të gjitha gratë e përfshira në këtë analizë kishin një fëmijë të vetëm (jo binjakë), kishin peshë normale për të filluar, dhe nuk kishin kushte shëndetësore që i pengonin ato të merreshin me ushtrime. /Gazeta Shneta/