Ekzistojnë disa veprime të cilat mund të ndikojnë negativisht në shëndetin vital të fëmijës.
Veç kësaj, këto veprime i japin edhe një imazh të keq të fëmijës, i cili përmes tyre pasqyron anën edukative të mësuar nga prindërit.
Gjithsesi, t’i shohim cilat janë ato:
Pastrojnë hundët në publik
Ky është një veprim që fëmijët e bëjnë shpesh, pothuajse të gjithë. Madje, ndonjëherë i fshehin papastëritë në vendin më të afërt që gjejnë ose edhe i hanë. Ngacmimi i vazhdueshëm i hundëve mund të sjellë gjakderdhje, prandaj duhet të punoni me fëmijët që të ndërpresin këtë zakon.
Fusin në gojë gjëra të pista
Kurioziteti i shtyn fëmijët të bëjnë diçka të tillë, por duhet t’i shpjegoni se përmes këtij veprimi ata marrin shumë baktere e viruse.
Fusin duart poshtë pantallonave
Është fakt që fëmijët nuk fshihen mirë pasi kanë shkuar në banjo dhe kjo gjë shkakton kruajtje. Sigurohuni t’i mësoni mirë fëmijës suaj të pastrohet pasi ka kryer nevojat personale dhe më pas të lajë duart me ujë të vakët e sapun.
Fshijnë hundët me mëngë
Jepini fëmijëve shami ose facoletë me vete për të ngadalësuar përhapjen e mikrobeve.
Bëjnë urinën në pishinë
Përzierja e klorit dhe urinës mund të formojë kimikate që irritojnë sytë. Edukojeni fëmijën të dalë nga pishina kur ka nevojë për të bërë urinën dhe të shkojë në tualet.
Përtypin gjithçka
Fëmijët kafshojnë e përtypin gjithçka si flokët, lapsat, kopsat, thonjtë, çelësat, lodrat etj. Ky është një zakon që me kalimin e kohës do të zhduket, por kujdes nëse fëmija është në ambiente shumë të pista tregohuni vigjilentë të mos e lini të fusë objekte në gojë.
Ngacmojnë koret e plagëve
Fëmijëria është e mbushur me momente rrëzimi, e gjunjë të dërrmuar. Fëmijët kanë tendecën të ngacmojnë vazhdimisht plagët e për rrjedhojë ato duan shumë kohë të shërohen. Bëni kujdes sepse plaga mund të infektohet.
Lëshojnë gazra
Diçka e tillë duket qesharake për fëmijët, por nëse e bëjnë në mënyrë të pakontrolluar, duhet të tregoni kujdes për dietën e fëmijës sepse disa ushqime shkaktojnë më shumë gazra se të tjerat.