Fondacioni Kombëtar i Veshkave ka konstatuar se 1 në 5 gra preken nga infeksionet urinare në një periudhë të jetës së tyre.
Megjithatë, ekzistojnë disa lloj zakonesh të përditshme që ia lehtësojnë punën shfaqjes së këtij infeksioni nga ndonjëra nga ju
Më poshtë do të shihni listën e përgatitur prej 4 praktikave të dëmshme që bëhen në vazhdimësi nga gratë:
1.Mbajtja e urines: Nëse duhet të shkoni në tualet, shkoni. Gjithçka tjetër mund të presë. Në të kundërt, bakteret mund të ngecin në traktin urinar dhe të shkaktojnë infeksione. Mbajtja e urinës për 6 orë ose më shumë rrit rrezikun për prekjen nga infeksionet urinare, duke qenë se bakteri që kalon në fshikëz ka shumë kohë për t’u zhvilluar.
2.Dehidratimi: Konsumimi i shumtë i ujit nuk shuan vetëm etjen, por parandalon edhe zhvillimin e infeksioneve urinare gjatë muajve të nxehtë, kur shumica prej nesh nuk hidratohen mjaftueshëm. Kur konsumojmë shumë ujë, mund të nxjerrim jashtë bakteret që shkaktojnë infeksione urinare.
3.Kontraceptivët: Nëse ndryshoni pilulat për kontrollin e lindjes, njohur gjerësisht si kontraceptivët, ndryshimi hormonal mund të çojë në ndryshim të baktereve në vaginë, duke rritur kështu rrezikun për zhvillimin e infeksioneve urinare. Përdorimi i diafragmave dhe spermicideve rrit gjithashtu rrezikun për prekjen nga infeksionet duke qenë se pengojnë në zbrazjen e plotë të fshikëzës së urinës.
4.Diabeti i pakontrolluar: Nëse niveli i sheqerit në gjak është i lartë, sheqeri i tepërt del nëpërmjet urinës. Kjo e bën një ambient të përshtatshëm për zhvillimin e baktereve dhe një situatë aspak e këndshme për ju. Mund ta keni dëgjuar mitin se nëse konsumoni shumë sheqer, mund të prekeni nga infeksionet e traktit urinar edhe nëse nuk keni diabet, megjithatë ekspertët thonë se nuk është e vërtetë. Vetëm nëse vuani nga diabeti, përndryshe ëmbëlsirat nuk janë shkaktari./Shendeti.com.al/