Zhvillimi i gjuhës është një proces i mahnitshëm që kulmon në aftësinë për të komunikuar dhe kuptuar të folurit.Është fakt interesant pasi edhe foshnjet lindin duke pasur të zhvilluar gjuhën.
Në përgjithësi, ekzistojnë tre faza të zhvillimit të gjuhës, të cilat ndodhin në një model të njohur shkruan Verywell Family, transmeton Gazeta Shneta.
Kësaj rradhe do të diskutojmë rreth fazës së parë dhe të dytë të zhvillimit të gjuhës.
Kur lindin foshnjet, ato mund të dëgjojnë dhe dallojnë të gjithë tingujt.
Kjo edhe mund të arrihet dhe nxitet duke biseduar me foshnjen tuaj. Foshnjet mësojnë duke përjetuar (dhe dëgjuar) botën përreth tyre, kështu që sa më shumë gjuhë të ekspozohen, aq më mirë.
Ajo se çfarë duhet të dini është se gjuha zhvillohet në ritme të ndryshme te çdo fëmijë.
Lindja: Kur lindin foshnjet, ato tashmë mund t’i përgjigjen ritmit të gjuhës. Ata mund të njohin stresin, ritmin dhe ngritjen dhe rënien e zërit.
4 muajsh: Që në 4 muaj, bebet mund të dallojnë tingujt e gjuhës dhe zhurmat e tjera. Për shembull, ato e dinë ndryshimin mes një fjale të folur dhe një duartrokitjeje.
6 muajsh: Në muajin e 6’të, bebet fillojnë të gërhasin dhe gugasin dhe kjo është shenja e parë që fëmija po mëson një gjuhë.
8 muaj: Bebet tani mund të njohin grupe tingujsh dhe mund të dallojnë kufijtë e fjalëve. Megjithëse ato i njohin këto grupe tingujsh si fjalë, ato ende po mësojnë se çfarë kuptimi kanë këto fjalë. Bebet e kësaj moshe kanë më shumë gjasa të kuptojnë fjalët që lidhen me përvojat e tyre të përditshme, veçanërisht ushqimin dhe pjesët e trupit.
12 muaj: Në këtë pikë, fëmijët janë në gjendje t’u japin kuptim fjalëve. Pasi ta bëjnë këtë, ata mund të fillojnë të ndërtojnë një fjalor. Ato gjithashtu fillojnë të imitojnë fjalë të reja që dëgjojnë.
18 muaj: Në këtë fazë të zhvillimit të gjuhës, fëmijët janë në gjendje të dallojnë emrat dhe foljet. Në përgjithësi, fjalët e para në fjalorin e një fëmije janë emrat. /Gazeta Shneta/