Gjinekologia Dr. Matilda Malaj-Sahiti në një bisedë për Gazetën Shneta, tregon për rëndësinë e testeve prenatale, për çrregullimet kromozomale që i zbulojnë si dhe për gratë që duhet t’i bëjnë këto teste
Doktoresha thotë se avancimi i bioteknologjisë ka lehtësuar punën e profesionistëve mjekësor, si dhe ju ka mundësuar pacientëve përgjigje më të sakta në lidhje me shëndetin e tyre. Ajo shton se i tillë është edhe Testi Nifty, i cili është test prenatal joinvaziv dhe që mundëson detekfimin e anomalive duke përfshirë Sindromin Down, Edwards dhe Patau. Për këto sindrome saktësia shkon deri në 99 për qind.
“Gjithashtu mund të detektohen edhe një sërë trisomish të lidhura me kromozomet seksuale-gjinore(x dhe y), si dhe një sërë aneuploidish dhe mikrodelecionesh. Saktësia për këto shkon ne 95%”.
“Me anë të Nifty mund të mësoni gjininë e bebit tuaj nëse ju dëshironi madje para se të detektohet me echo”, tregon doktoresha Matilda.
Ajo thekson se testin mund ta bëjë çdo grua shtatzënë nga java 10 deri 24 të shtatzënisë. “Më i domosdoshëm është për nënat që janë mbi 35 vjeç, sidomos kur është shtatzënia e parë, ose kur çifti ka në familje një fëmijë të lindur me probleme kromozomale, apo kanë pasur më herët një fëmijë të lindur me probleme të tilla”, thekson ajo.
“Përparësia te nifty në krahasim me teste të tjera joinvazive është se ai përpunon ADN fetale e cila në sasi të caktuara është e pranishme në gjakun e nënës (cell free DNA) dhe nuk është test skriningu”, ka shtuar gjinekologia.
Dr. Matilda tregon tutje se në ordinancën e saj gjithnjë e më shumë ka çifte që interesohen për të bërë testin Nifty.
“Gjithçka duhet është vetëm 10 ml gjak nga vena juaj si për çdo analizë tjetër që bëhet përmes gjakut dhe plotësimi i një formulari me disa nga të dhënat tuaja që do të jenë konfidenciale. E gjithë procedura nuk zgjat më shumë se 10-15 minuta”, ka shpjeguar ajo.
Mjekja ka treguar rastin e një nëne mbi 35-vjeçare e cila u sigurua për shëndetin e bebes së saj nëpërmjet testit Nifty.
“Një rast interesant është rasti i një çifti ku nëna ishte mbi 35 vjeçare, shtatzënia e parë, kishte bërë double test i cili kishte rezultuar me risk të lartë dhe pasi u bë Nifty gjithçka doli në rregull dhe sot çifti ka një bebe të shëndetshme”, ka treguar doktoresha.
Një përparësi tjetër e Nifty është që nëse testi del pozitiv për cilëndo nga sindromat, kompania ju mbulon shpenzimet për testet invazive CVS apo amniocenteze. /Gazeta Shneta/
Për të mësuar më shumë rreth komplikimeve të shtatzënisë dhe Testit Nifty, Klikoni KËTU.