Studiuesit mendojnë se kanë gjetur përgjigjen e saktë sa i përket peshës së çantës së shkollës së fëmijëve.
Për herë të parë, ekspertët kanë llogaritur se sa duhet të peshojnë çanta e një fëmije, dhe gjithçka bzohet në peshën e trupit të fëmijës, transmeton Gazeta Shneta.
Studiuesit thonë se nxënësit duhet të bartin çanta me një peshë maksimale prej 10 përqind të peshës totale të trupit të tyre.
Gjetjet e tyre bazohen në një studim që përfshiu 49 fëmijë të moshës shkollore në Spanjë.
Nëse fëmijët tuaj që janë në shkollë kanë ngarkesa më të rënda për shkak të detyrave të shtëpisë, instrumenteve muzikore, projekteve të artit, ose aktiviteteve pas shkollës, ju mund të konsideroni t’ia zëvendësoni me një çantë-karrocë, shkruan “Health Line”.
Kurse, pesha maksimale e çantës-karrocë nuk duhet të kalojë rreth 20 për qind e peshës totale të fëmijës suaj.
“Për shembull, një vajzë ose një djalë që peshon rreth 50 kilogramë, pesha maksimale e rekomanduar për shpinën e tyre duhet të jetë 5 kilogramë dhe për karrocat më të ulta pesha duhet të jetë 9 kilogram”, tha Eva Orantes González, pjesëmarrëse në studimin spanjoll.
Nëse fëmija juaj do vazhdojë të bartë një çantë shkollore të rëndë, atëherë ai:
– rrit rrezikun për dhimbje të qafës dhe fundit të shpinës për shkak të ndryshimeve në sjelljen dhe lëvizjen e trupit
– dhimbje të muskujve nga shiritat mbajtëse të çantës
– efekt negativ në ekuilibër, potencialisht duke rritur rrezikun e rrëzimit dhe lëndimeve tjera trupore /GazetaShneta/