Shoqata për Fibrozë Cistike ka reaguar ndaj deputetit dhe këngëtarit Labinot Tahiri-Labi. Kjo shoqatë ka publikuar një mesazh që mban datën e vitit 2017 ku Labi ishte lutur që të ndihmonte këta të sëmurë, por këngtari nuk i ishte përgjigjur lutjes asnjëherë.
Ky reagim erdhi pas Labi deklaroi se do të ndaj një rrogë të tij për vajzën e sëmurë me këtë sëmundje Y.L.
Shoqata ka deklaruar se janë deputetët Besa Baftiu, Blerta Deliu dhe Armend Zemaj që i kanë përkrahur kërkesat dhe kanë ngritur zërin për ta në Kuvendin e Kosovës.
Reagimi i plotë:
Reagim kundër “bamirësisë” në fushatë zgjedhore drejtuar z. Labinot Tahiri
Bamirësia është vepra më humane kur ka për qëllim njeriun si subjekt kryesor, por jo si mjet. “Bamirësia” e z. Labinot Tahirit ndaj Yllkës, më tepër ishte si mjet për përfitime politike dhe votash, e jo në qendër të veprës humanizmin! Labinot Tahiri për dy vite me radh sa ishte deputet në Kuvendin e Republikës së Kosovë asnjëherë nuk e ngriti çështjen e personave të prekur nga Fibroza Cistike dhe asnjë përgjigjes ndaj kërkesës sonë për takim që nga data 27. 11. 2017. Personi i parë që ka ngritë këtë çështje në Kuvend është deputetja Blerta Deliu – Kodra, pastaj deputeti Armend Zemaj. Ndërsa në takim na ka pranuar edhe deputetja Besa Baftiu, për ta paraqitur këtë problem para grupit të komisionin për çështje sociale. Një shtytje të veçantë deri në finalizimin e listës së re të barnave esenciale janë të përfshirë edhe barnat për fëmijët e prekur nga Fibroza Cistike, janë deputeti Elmi Reçica dhe ministri Uran Ismajli!
Prandaj, i lutemi të gjithëve, mos keq-përdorni bamirësinë gjatë fushatës zgjedhore, respektoni ndjenjat e 120 prindërve të fëmijëve të prekur me Fibrozë Cistike.
Ismet Jahiri, kryetar
Shoqata për personat e prekur me Fibrozë Cistike