Ka një rritje të lehtë, por domethënëse të komplikimeve të rrezikshme obstetrike për gratë shtatzëna që përdorin kanabis, zbulon një studim i ri.
Të dhënat nga pothuajse 317,000 shtatzëni te femrat në Kaliforni zbuluan se ato që përdornin kanbisin kishin shanse më të larta për hipertension gestacional, preeklampsi, shtim në peshë që shkon përtej niveleve të rekomanduara dhe një gjendje e njohur si shkëputje e placentës (kur placenta ndahet nga muri i mitrës), raporton Health Day përcjell Gazeta Shneta.
Studiuesit thanë se gjetjet janë të rëndësishme pasi “dihet pak nëse përdorimi prenatal i kanabisit është i lidhur me rezultatet e shëndetit të nënës gjatë shtatzënisë”.
Studimi u botua më 22 korrik në revistën “JAMA Internal Medicine”.
Studime të shumta kanë sugjeruar se përdorimi i kanabisit gjatë shtatzënisë mund të rrisë rrezikun e fetusit për peshë të ulët të lindjes, lindje të parakohshme dhe nevojën për kujdes në një njësi të kujdesit intensivë neonatal.
Megjithatë, disa gra “raportojnë se përdorin kanabisin për t’ju ndihmuar me gjumin, depresionin, stresin, sëmundjet e mëngjesit dhe dhimbjet gjatë shtatzënisë dhe shumë prej tyre e perceptojnë kanabisin si një alternativë më të sigurt ndaj ilaçeve me recetë,” shkroi një ekip i udhëhequr nga Kelly Young-Wolff, nga Fondacioni Kaiser i Kalifornisë Veriore.
Në vazhdim, është e qartë se ajo që nevojitet është “kujdesi dhe edukimi jostigmatizues për të mbështetur gratë shtatzëna në marrjen e vendimeve të informuara në lidhje me përdorimin e kanabisit”, tha ekipi i Dr. Young-Wolff. /Gazeta Shneta/