Shoqata HANDIKOS ka filluar me dorëzimin e pajisjeve ndihmëse për personat me status paraplegjik dhe tetraplegjik.
Kjo Shoqatë ka publikuar disa momente me fëmijët të cilët janë pajisjur me karroca të reja.
“Këto janë disa nga momentet e dorëzimit të pajisjeve ndihmëse për fëmijët, momente të mbushura me emocion, gëzim dhe buzëqeshje. Me shumë kujdes dhe përkushtim, vazhdojmë të ofrojmë shërbimin e pajisjeve ndihmëse, të cilat s’janë vetëm mjete, por edhe një hap më afër pavarësisë, komoditetit dhe momenteve të lumtura”, thuhet në njoftim.
HANDIKOS iu ka bërë thirrje të gjithë personave paraplegjik dhe tetraplegjik që të aplikojnë për pajisje të reja ndihmëse, duke ndjekur udhëzimet në videon më poshtë.
