Akademia Amerikane e Pediatrisë (AAP) i ka përditësuar rekomandimet, sa i përket konsumimit të lëngjeve të frutave te fëmijët e vegjël.
Më herët, APP kishte rekomanduar prindërit që të mos i jepnin lëngje frutash fëmijëve gjatë gjashtë muajve të parë të jetës së tyre, shkruan bellybelly.com.au. Megjithatë, tash rekomandojnë që fëmijët nuk duhet të pinë lëngje frutash para se ta kalojnë ditëlindjen e parë, transmeton Gazeta Shneta.
Ku qëndron problemi me lëngjet e frutave?
Për vite me radhë, lëngjet e frutave janë konsideruar pije të shëndetshme dhe veçse janë pjesë e listës së ushqimeve për shumë bebe. Andaj, me siguri po hamendësoni se pse nuk duhet të pinë lëngje pemësh fëmijët më të vegjël se një vit? Këto janë disa nga arsyet…
- Një nga problemet është se lëngjet e frutave mund të përmbajnë sasi të madhe të sheqerit.
- Edhe nëse nuk kanë sheqer të shtuar, sheqeri natyral në fruta mund të shkaktojë zgavra dentare nëse konsumohet në formë lëngu.
- Po ashtu, nëse fëmjët ngopen me lëngje frutash, ata nuk do të mund t’i marrin vlerat ushqyese të duhura nga qumështi i gjirit, e që janë shumë të rëndësishme për rritjen dhe zhvillimin e tyre.
Udhëzimet nga AAP këshillojnë pediatrët që t’i njoftojnë prindërit se lëngjet e frutave përmbajnë vlera ushqyese të vogla dhe nuk duhet t’i ushqejnë foshnjet me to. Po ashtu, ata rekomandojnë që fëmijët më të vjetër se 1 vit, të konsumojnë sasi të kufizuara të lëngjeve të frutave. Fëmijët mes moshës 1 dhe 3 vjeç rekomandohet të konsumojnë jo më shumë se katër pije frutash në ditë. Po ashtu, sipas AAP, nëse veç ushqehen shëndetshëm, fëmijët e kësaj moshe nuk kanë nevojë të pinë lëngje frutash.
Fëmijëve më të vjetër se 1 vjeç mund t’ju jepni lëng frutash, por në vend të tij, mund t’ua ofroni një gotë ujë. Mos u brengosni, nuk do t’i cenoni diçka, por do t’ua ofroni mundësinë të mësohen dhe të ushqehen më shëndetshëm. /Gazeta Shneta/