Ta kesh një bebe në kujdes special apo inkubator, është një ndër sfidat më të mëdha me të cilat përballen nënat.
Në vend që të kalojnë më shumë kohë në barkun e nënës, foshnjat e lindura parakohe duhet të qëndrojnë në inkubator, pra në një ambient jo natyral dhe jo-familjar, transmeton Gazeta Shneta.
Pavarësisht se nënat u qëndrojnë pranë sa më shumë që të jetë e mundur, ato prapë se prapë duhet të kthehen në shtëpi, sidomos nëse kanë fëmijë të tjerë të vegjël. Në anën tjetër, bebet e sapolindura kanë nevojë të qëndrojnë afër nënave, dhe zakonisht flenë më mirë në krahët e nënave të tyre. Por cka për foshnjet të cilat janë në inkubator? Pikërisht ato kanë nevojë të flenë më mirë e më rehat…
Zëri i nënës ju ndihmon të flejnë më mirë
Një studim i ri ka zbuluar se foshnjet që janë në inkubator ose kujdes special, flejnë më mirë nëse e dëgjojnë zërin e nënës. Hulumtuesit nga University of Michigan C.S. Mott Children’s Hospital donin të gjenin disa metoda më të lehta të cilat do të mund ta përmirësonin cilësinë e gjumit te bebet në inkubator.
Ata monitoruan 50 bebe të lindura para kohe, dhe gjetën se foshnjat flinin më mirë dhe më gjatë nëse ia lëshonin vazhdimisht një inçizim të zërit të nënës së tyre.
Pra, edhe nëse nëna nuk mund të jetë vazhdimisht afër foshnjës, mund ta përdorni këtë metodë: ta regjistroni zërin në një diktafon apo telefon, dhe t’ua lëshoni bebeve, sepse gjumi është shumë i rëndësishëm për çdo njeri, e sidomos për bebet e lindura parakohe. /Gazeta Shneta/