1-2% e të gjitha shtatzënive në mbarë botën janë të prekura nga diabeti pregestacional.
Diabeti pregestacional konsiderohet si një nga ndërlikimet mjekësore më sfiduese gjatë shtatzënisë dhe rrit rrezikun e gruas shtatzënë për disa ndërlikime të mundshme të shtatzënisë, shkruan burimi Medical News Today përcjell Gazeta Shneta.
Gjendja e diabetit pregestacional mund të rrisë rrezikun për komplikime të mundshme të shtatzënisë, duke përfshirë defektet e lindjes, abortin, kufizimin e rritjes së fetusit, lindjen e parakohshme dhe preeklampsinë.
Numri i njerëzve që përdorin medikamente agoniste të receptorit GLP-1 për diabetin e tipit 2 është rritur gjatë viteve të fundit.
Studiuesit nga Harvard T.H. Chan School of Public Health tani ka zbuluar se medikamentet si agonistët e receptorit GLP-1 nuk rrisin rrezikun e keqformimeve kongjenitale në shtatzëni kur krahasohen me terapinë me insulinë.
Shkencëtarët besojnë se numri i foshnjave të ekspozuara para lindjes ndaj këtyre barnave do të vazhdojë të rritet.
Shtatzënat me diabet të tipit 2 ende duhet të marrin ilaçet e tyre për diabetin. Gjatë viteve të fundit, numri i njerëzve me diabet të tipit 2 që marrin medikamente të agonistëve të receptorit GLP-1, si Ozempic dhe Trulicity, është rritur.
Tani, hulumtimi i ri nga Harvard T.H. Chan School of Public Health në Boston, raporton se përdorimi i medikamenteve antidiabetike të linjës së dytë joinsulinike, të tilla si agonistët e receptorit GLP-1, nuk rrit rrezikun e keqformimeve të mëdha kongjenitale të foshnjave, kur krahasohet me përdorimin e insulinës.
Studiuesit vëzhguan gjithashtu rritje të përdorimit të këtyre barnave antidiabetike gjatë periudhës 12-vjeçare të studimit. Ata besojnë se kjo sugjeron se numri i foshnjave të ekspozuara para lindjes ndaj këtyre barnave do të vazhdojë të rritet.
Ky studim u botua së fundmi në revistën “JAMA Internal Medicine”. /Gazeta Shneta/