Gjatë rritjes, fëmijët pësojnë “kriza” ndaj ushqimit të preferuar.
Megjithatë, shumë ushqime të paketuara për fëmijët janë jashtëzakonisht të dëmshmë për shëndetin e tyre. Ato janë shpesh të mbushura me miell të rafinuar, sheqer të shtuar dhe përbërës artificialë, transmeton GazetaShneta.
E për t’i bërë fëmijët të duan të ushqehen shëndetshëm, prindërit duhet të kombinojnë ushqimet e shëndetshme me ushqime që ngjasojnë si të shpejta (snacks) por që realisht kanë përbërës të shëndetshëm, shkruan blogu “What To Expect”.
Kështu ju do të mbushni barkun e fëmijës tuaj me ushqime të shijshme që u ofrojnë energji.
Disa ushqime të shëndetshme:
Kosi
Kosi është një ushqim i shkëlqyer për fëmijët sepse është një burim i mirë i proteinave dhe kalciumit. Kalciumi është veçanërisht i rëndësishëm për kockat në zhvillim të fëmijëve. Disa lloje të kosit gjithashtu përmbajnë bakteret e gjalla të cilat përforcojnë sistemi i tretjes së fëmijës.
Kokoshkat
Ju mund të konsideroni kokoshkat si një ushqim të dëmshëm por në të vërtetë ato janë tejet ushqyese.
Për sa kohë që nuk i hidhni përzierje jo të shëndetshme, kokoshka mund të jetë një ushqim i shëndetshëm për fëmijët. Megjithatë, bëni kujdes kur ofroni kokoshka për fëmijët e vegjël, pasi mund të jetë një rrezik i ngulfatjes.
Arrat
Arrat kanë përmbajtje të lartë në yndyrnave të shëndetshme, së bashku me fibra dhe antioksidantë.
Pije bio nga frutat (smoothie)
Një “smoothie” me fruta është një mënyrë e mirë për të konsumuar shumë lëndë ushqyese në një gotë të vetme. Ju gjithashtu mund të shtoni pemë e perime sipas shijes. Me ëmbëlsinë e frutave, fëmija juaj nuk do ta kuptojë se është duke konsumuar perimet që nuk i ka qejf.
Patate e ëmbël e skuqur
Patatet e ëmbla janë një nga burimet më të pasura të beta-karotenit, një lëndë ushqyese që mund të shndërrohet në vitaminë A nga trupi juaj. Ai kontribuon që fëmijët të kenë sy lëkurë të shëndetshme
Turshitë
Turshi me tranguj të fermentuar në kripë dhe ujë janë burim ideal i vitaminës K, dhe disa produkte gjithashtu përmbajnë baktere probiotike, të cilat janë të mira për sistemin e tretjes.
Shkopinj karrotash dhe humus
Shumica e fëmijëve i preferojnë soset andaj përfitoni nga humusi dhe karrotat. Fëmijët mund të zhytin karrotat në humus dhe t’i shijojnë. Humusi përmba fibra, folatë dhe shumë antioksidantë.