Një indeks më i lartë i masës trupore mund të jetë një faktor rreziku se sa efektive është pilula emergjente 72-orëshe në parandalimin e shtatzënisë.
Një hulumtimi i ri nga Universiteti Oregon zbuloi se dyfishimi i dozës standarde nuk përmirësoi rezultatet në parandalimin e shtatzënisë së dëshiruar, shkruan MedicalxPress përcjell Gazeta Shneta.
Në studimin i botuar së fundi në revistën Obstetrics & Gynecology, një dozë e dyfishtë e kontraceptivëve urgjent pa recetë – i njohur zakonisht si Plani B ose pilula emergjente – nuk ishte më efektive në pjesëmarrëset me një indeks të masës trupore më të lartë se 30.
“Kontracepsioni emergjent është një terapi kritike për pacientët tanë. Ne duhet të sigurojmë që bari të funksionojë në mënyrë efektive për të gjithë, pavarësisht indeksit trupor apo peshës së tyre,” tha autori kryesor, profesor Dr. Alison Edelman nga Universiteti Orgeon.
Mes tjerash, kontracepsioni emergjent ofron një linjë të rëndësishme mbrojtjeje në parandalimin e shtatzënisë kur merret sa më shpejt që të jetë e mundur pas marrëdhënies intime.
Të gjitha metodat e disponueshme të kontracepsionit emergjent janë të sigurta dhe efektive, por pilulat si Plani B që përmbajnë barin levonorgestrel janë më të arritshme, pasi ato janë të disponueshme pa recetë.
Hulumtimet e mëparshme kanë zbuluar se gratë me një indeks trupor të masës prej 30, përjetuan një dështim të efektivitetit të pilulës – katër herë më shpesh se ato me një indeks më të vogël se 25.
Studiuesit supozuan se strategjia e thjeshtë e dyfishimit të dozës së kontracepsionit emergjent me levonorgestrel mund të rezultojë në arritjen e nivelit të pikut kritik të barit në kohën e duhur, pavarësisht indeksit më të madh trupor.
Studimi përfshiu një provë kontrolli të rastësishme që përfshiu 70 individe të shëndetshme, në moshë riprodhuese me cikle menstruale të rregullta, indeks trupor më të lart se 30.
Studiuesit matën numrin e pjesëmarrësve që përjetuan vonesë ose frenim të ovulacionit kur merrnin dozën e rregullt kundrejt dyfishit të dozës së kontracepsionit emergjent.
Rezultatet e tyre nuk treguan asnjë ndryshim në efektivitetin midis grupit që mori dozën e vetme ose të dyfishtë të levonorgesterit.
Dr. Edelman theksoi se megjithëse rregullimi më i thjeshtë nuk funksionoi, studimi i tyre do të ndihmojë në drejtimin e kërkimit për të gjetur strategjinë më efektive. /Gazeta Shneta/