Tentimet e çifteve për t’u bërë prindër janë një kohë shumë emocionuese për të dy partnerët, por që di të jetë edhe stresuese për ta.
E gjejmë vetën duke kritikuar veten ose duke dyshuar në zgjedhjet që bëjmë. A është në rregull të pij një pijë? A duhet të bëjmë marrëdhënie sekusale çdo ditë apo pak më rrallë? A ta pyes mjekun nëse duhet të ndërroj llojet e mbathjeve që të rris pjellorinë? Këto janë vetëm pak nga dyshimet që një baba i ardhshëm mund t’I ndjeje në vete, transmeton GazetaShneta.
Përderisa tërë këto mëdyshje mund t’iu dekurajojnë, gjetjet e fundit mund të ju inspirojnë që të bëni një sy gjumë më shumë.
Sipas një studimi të publikuar në konferëncën “European Society of Human Reproduction and Embryology” po del se burrat që flenë para orës 22:30 të natës prodhojnë spermë katër herë më kualitative se ata që flenë më vonë, shkruan “The Independent”.
Studimi gjeti po ashtu se burrat që flenë rreth 8 orë në ditë kanë spermë më të shëndetshme se burrat që flenë më pak ose që shtrihen të flenë shumë vonë.
Ka qenë e ditur se gjumi është tejet i rëndësishëm edhe për pjellorinë e grave. Çrregullimet e gjumit sjellin stres në trupin e gruar, gjë e cila më pas ndikon në riprodhimin dhe funksionimin e rregullt të hormoneve të tyre.
Por është mirë që të rikujtohet fakti se edhe stili i jetesës së mashkullit ndikon në pjellorinë dhe suksesin e zhvillimit të një shtatzënie – shumë shpesh gratë janë bërë të ndjehen se vetëm ato bartin shkakun pse nuk mund të krijojnë një familje, dhe kjo kurrë nuk ka qenë çështja./GazetaShneta/