Ekspozimi ndaj diellit gjatë shtatzënisë ul rrezikun e lindjes së parakohshme

2021-09-12 në ora 13:14

Ekspozimi ndaj rrezeve të diellit në tremujorin e parë të shtatzënisë ul rrezikun e lindjes së parakohshme dhe abortit.

Kështu ka bërë të ditur studimi i botuar në Frontiers in Reproductive Health, shkruan Very Well Health, transmeton Gazeta Shneta.

Mësoni më shumë rreth komplikimeve të shtatzënisë duke lexuar më shumë KËTU

Sipas studiuesve, rezultatet treguan se gratë që ishin të ekspozuara ndaj rrezeve të diellit në tremujorin e parë kishtin një rrezik prej 10 për qind më të ulët për lindje të parakohshme dhe abort.

“Drita e diellit shkakton lëshimin e oksidit nitrik nga lëkura që relakson enët e gjakut, dhe ne besojmë se kjo mund të ndihmojë që një shtatzëni e shëndetshme të krijohet në mitër,” thotë Sarah Stock, studiuese e mjekësisë në Universitetin e Edinburg.

“Oksidi nitrik gjithashtu mund të qetësojë vetë mitrën, duke ndihmuar në parandalimin e kontraktimeve të hershme.”, th ajo.

Lindja e parakohshme ndodh kur foshnja lind para janës së 37-të të shtatzënisë. Foshnjet e lindura parakohe kanë një rrezik më të lartë të komplikimeve shëndetësorë.

Megjithatë, arsyjet e lindjes nuk janë plotësisht të njohur, ekzistojnë disa faktorë të cilët mund të kontribuojnë në lindjen e parakohshme:

-Lindja e mëparshme e parakohshme;

-Zgjerim i hershëm i qafës së mitrës;

-Lëndimi gjatë lindjes së kaluar;

-Bartja e më shumë se një fetusi;

-Gjakderdhja vaginale gjatë shtatzënisë;

-Infeksionet gjatë shtatzënisë;

-Pirja e duhanit gjatë shtatzënisë;

-Mangësitë e lëndëve ushqyese;

Një teori tjetër, thotë Stock, është se lidhja mes lindjes së parakohshme dhe dritës së diellit ka të bëjë më shumë me vitaminën D, të cilën trupi juaj e prodhon kur ekspozohet ndaj dritës së diellit.

“Disa studime kanë treguar se normat e lindjeve të parakohshme janë më të larta tek gratë me nivele të ulëta të vitaminës D, e cila mund të jetë sepse vitamina D ndihmon në parandalimin e infeksioneve që mund të çojnë në lindje të parakohshme,” thotë Stock.

Vitamina D gjithashtu “ndihmon zhvillimin e eshtrave, dhëmbëve, sistemit kardiovaskular dhe nervor të foshnjës”, thotë ekspertja e shëndetit të grave, Jennifer Ëider, MD, për VeryWell./Gazeta Shneta/