Është një nga pyetjet më të zakonshme në mesin e nënave të reja: A është fëmija im duke marrë qumësht mjaftueshme? Përjetimi i pasigurive të tilla është e vështirë, pasi që nuk mund të jeni në dijeni se sa është kapaciteti i trupit tuaj të prodhoj qumësht.
Lajmi i mirë është se shumica e grave prodhojnë qumësht mjaftueshëm për të ushqyer foshnjën e tyre. Vlerësohet se vetëm rreth 5 deri në 15 për qind të nënave mund të kenë furnizim të ulët të fëmijës së tyre me qumësht shkruan FitPregnancy, trasnmeton Gazeta Shneta.
Kur jeni duke ushqyer me gji dhe keni dilema rreth çështjes së ngopjes, ekzistojnë disa mënyra për të treguar nëse fëmija juaj është ende i uritur.
Nëse fëmija juaj nuk është duke marrë qumësht të mjaftueshëm, ju mund ta shihni atë duke thithur me shpejtësi, por duke mos gëlltitur ngadalë dhe ritmikisht. Ai gjithashtu mund të marrë pushime të gjata gjatë të ushqyerit ose në mënyrë të përsëritur të bie në gjumë në gjoksin tuaj.
Prodhimi i fëmijës suaj tek pelenat është një tregues i besueshëm se gjithçka është duke shkuar mirë. Ai duhet të ketë të paktën gjashtë jashqitje përbrenda ditës, nga dita e gjashtë, ndërsa katër të tilla nga dita e katërt. Ngjyra e jashtëqitjes është gjithashtu e rëndësishme.
Një i porsalindur mund të humbasë rreth 5 deri në 7 për qind të peshës në ditën e tij të tretë ose të katërt, që është plotësisht normale, por nëse ai humbet peshë prej 10 për qind ose më shumë, ekziston mundësia të ketë ndonjë problem shëndetësorë, prandaj preferohet të konsultoheni me pediatrin./Gazeta Shneta/