Dy të tretat e të gjitha grave vuajnë nga vaginoza bakteriale e përsëritur, një infeksion i shkaktuar nga një çekuilibër në florën vaginale.
Kjo gjendje jo vetëm që prek gjendjen fizike të grave, ajo ka një peshë të madhe edhe në jetën e tyre sociale, transmeton GazetaShneta nga “The Conversation”.
Edhe pse shpesh konsiderohet si çështje me rëndësi të vogël, ky infeksion i zakonshëm vaginal ka simptoma që përfshijnë një erë të pakëndshme që përcillet me shkarkim të rritur vaginal që i detyrojnë gratë e vajzat të shmangin seksin dhe aktivitetet e tjera shoqërore për shkak të sikletit dhe frustrimit.
Nëse ky infeksion pastaj zgjatë për një kohë rrit rrezikun e abortit dhe lindjes së parakohshme, si dhe ndjeshmërinë ndaj HIV dhe sëmundjeve tjera seksuale të transmetueshme..
Për fat të keq për shumë njerëz, madje edhe pas trajtimit me antibiotikë, infeksioni shpesh kthehet brenda 12 muajve.
“Të gjeturat tona tregojnë se ndërsa infeksioni vaginal shpesh konsiderohet një gjendje e vogël dhe e zakonshme vaginale nga ana e mjekëve, natyra e saj e përsëritur dhe ndikimi substancial që mund të ketë në jetën shoqërore, seksuale dhe emocionale të grave do të thotë se përvojat e grave mund të shtrihen përtej simptomave fizike”, thuhet në studimin e kryer nga Universiteti Monash.
Studimi ka treguar se gratë që e përjetojnë infeksionin në mënyra të përsëritura janë të ndjeshme, kanë vetëvlerësim ë dobët, e shmangin tërheqjen seksuale, kanë tendenca të vetë-izolimit dhe të fajësimit të vetvetes./GazetaShneta/