Si shkak i rritjes së numrit të hormoneve gjatë shtatzënisë, gratë në pritje janë më të ndjeshme ndaj infeksioneve, e posaçërisht atyre vaginale.
Shpeshtimi i shkarkimit vaginal gjithashtu mund të shtojë shanset për infeksione vaginale.
Shkarkimi i tepërt sinjalizon një infeksion, i cili ndodh kur disbalancohen bakteret natyrale të cilat jetojnë në vaginë, transmeton Gazeta Shneta.
Ekzistojnë edhe katër lloje të infeksioneve vaginale, të cilat i preokupojnë gratë shtatzëna, si: vaginoza bakterale, infeksionet e majeve, grupi B strep dhe trikomoniaza.
Lajmi i mirë është se diagnostifikimi i menjëhershëm i bën ato që të trajtohen më lehtësisht.
Ndërkaq, ne do të flasim vetëm për disa prej tyre në mënyrë të detajizuar.
Vaginoza bakteriale (VB):
Simptomat
– Shkarkim i hollë gri në të bardhë
– Dhimbje gjatë urinimit
– Kruarje rreth vaginës
Trajtimi
VB ndonjëherë trajtohet vetëvetiu. Nëse jeni në tremujorin e parë, mjeku juaj mund të presë për ta trajtuar atë deri në tremujorin e dytë. Një regjim antibiotikësh, zakonisht Metronidazole ose Clindamycin, në përgjithësi e kryejnë trajtimin.
Grupi B strep
Simptomat:
Grupi B strep mund të shkaktojë infeksion të traktit urinar tek disa gra. Simptomat përfshijnë dhimbje ose djegie gjatë urinimit, urinë me ngjyrë të trubullt dhe paraqitje e shpeshtë e nevojës për urinim.
Trajtimi:
Nëse rezultoni pozitiv, juve do t’iu duhet të merrni antibiotik gjatë lindjes, kështu që nuk do të mund ta kaloni infeksionin tek foshnja juaj./Gazeta Shneta/