Mamia nga Kosova, Razije Musa, nuk i kursen asnjëherë këshillat e saj kuptimplote të cilat rregullisht I poston në rrjetet sociale.
Mirëpo jo të gjithë mendojnë të njejtën gjë për fjalët që mamia Musa I flet, shkruan GazetaShneta.
Në publikimin e fundit ajo ka ndarë me ndjekësit e saj një histori interesante dhe paksa irrituese, por që gjithsesi pasqyron një pjesë të mentalitetit të grave shqiptare.
Ajo ka treguar se si ishte ndeshur nga një grua shqiptare e cila i kishte thënë se nuk i pëlqenin “idetë moderne” të Musës.
“Dola për kafe dhe shoh një familje me një bebe, nana e re i thotë vjehrës ja kjo është Razija që na jep këshilla. Vjehra e saj kthehet nga unë dhe fillon bisedën pa asnjë pikë kulture, më tha se nipin e saj nuk e lejon të flej natën pa qorape sepse ashtu i ka rritur fëmijët e saj, më tha se nipi i saj do ushqehet prej muajit të gjashtë me ushqime familjare dhe më tha se unë po u’a fus në kokë idetë moderne nanave të reja”, ka shkruar ajo.
Kjo e kishte hutuar Musën e cila e kishte ndjerë më pas të nevojshme që t’i tregonte gruas se ajo nuk mund të përzihet në edukimin e fëmijës përderisa ai fëmijë ka prindër të vetëdijshëm.
“I thash zonjës me qetësi e shumë kulturë që nipi juaj nuk ka nevojë për qorape në gjumë aq më pak në pikun e verës, i thash se ushqimi duhet të filloj gradualisht e jo të fillohet me atë familjar sepse i bën dëm dhe në fund i thash atë që e priste nana e re, që ju jeni Gjyshja e fëmijës dhe se ju nuk do duhej të merrni primatin e të flisni për të”, ka shkruar më pas.
Razija ka qartësuar se këshillat e gjysheve janë gjithmonë të mirëseardhura mirëpo është nëna ajo që duhet të vendosë për mënyrën se si do ta rrisë fëmijën e saj.
Ajo ka bërë thirrje për të gjitha nënat duke u thënë që “ta mbledhin veten dhe të mos lejojnë askënd të marri vendime për to”./GazetaShneta/
Kliko për të lexuar postimin e plotë