Kapsllëku është vështirësia për të pasur lëvizje të rregullta të zorrëve. Poashtu, është një simptomë e zakonshme e shtatëzanisë.
Sidoqoftë, nuk keni pse të vuani domosdoshmërisht nga kapsllëku ose lëvizjet e parregullta të zorrëve dhe nga dhimbja që shoqërohet me to kur jeni shtatzënë shkruan VeryWellFamily, përcjell Gazeta Shneta.
Kapsllëku mund të ketë efekte anësore. Disa persona që kanë kapsllëk mund të zhvillojnë hemorroide, të cilat paraqesin enë të enjtura të gjakut në rektum që mund të jenë shumë të pakëndshme (nëse shkaktojnë dhimbje, kruajtje ose gjakderdhje).
Ka gjëra që ju mund të bëni për të parandaluar kapsllëkun gjatë shtatzënisë:
Konsumoni më shumë ujë
Thjesht pirja e mjaftueshme e ujit çdo ditë mund të ndihmojë që lëvizjet tuaja të zorrëve të bëhen më të shpeshta dhe më të lehta për t’u kaluar. Qëndrimi i hidratuar është i rëndësishëm për të gjithë veçanërisht në shtatzëni.
Hani më shumë fibra
Fibrat gjenden në burimet natyrore tek shumë fruta dhe perime, gjithashtu në fasule dhe disa drithëra.
Këto burime natyrore do të ndihmojnë lëvizjet tuaja të zorrëve të jenë më të rregullta. Ngrënia e disa kumbullave të thata në ditë mund të ndihmojë gjithashtu në parandalimin e problemit.
Ushtroni më shumë
Ushtrimi është i njohur për të mbajtur zorrët tuaja të rregullta. Kjo nuk duhet të jetë një klasë gjimnastike ose vrapim disa milje. Thjesht duke shtuar më shumë lëvizje në ditën tuaj mund të përmirësojë funksionet tuaja të zorrëve.
Për të mësuar më shumë rreth komplikimeve të shtatëzanisë KLIKO KËTU.
Shikoni marrjen tuaj të kalciumit
Nivelet e larta të kalciumit mund të shkaktojë kapsllëk. Nëse e teproni me qumështin dhe djathin, mund të gjeni zorrët tuaja më të zëshme e të bllokuara. /Gazeta Shneta/