Ardhja e foshnjës në jetë ndryshon shumë gjëra në jetën tuaj, përfshirë këtu edhe lëkurën e barkut tuaj.
Megjithatë, arritja e formës së mëparshme të lëkurës së barkut nuk është gjithnjë mision i pamundur, andaj duhet ndjekur edhe disa këshilla, të përgatitura nga portali “Për Nënat” .
- Pini më shumë ujë
Uji është esenca e trupit tuaj! Ai jo vetëm që do të hidratojë lëkurën tuaj por do ta bëjë atë më elastike e më të tërhequr. Gjithashtu uji ndihmon që të digjni kalori në mënyrë më efektive.
- Ushqeni bebin tuaj me gji
Përveçse është një burim fantastik vlerash ushqyese për bebin tuaj, gjidhënia është shumë e rëndësishme edhe për ju, pasi duke ushqyer bebin tuaj me gji, ju po trasformoni kaloritë e tepërta që keni, në qumësht për bebin duke ju bërë të humbni peshë më shpejt.
- Zhvilloni ushtrime fizike
Është e rëndësishme të përfshiheni në një aktivitet fizik sapo trupi juaj të jetë rikuperuar nga lindja. Por sigurohuni që doktori juaj t’ju ketë dhënë dritën jeshile përpara se të filloni. Vrapi, joga ose aerobia janë fantastike për të tonifikuar barkun tuaj .
- Konsumoni proteina
Proteinat janë fantastike për rritjen e masës muskulore, gjithashtu ato përmbajnë një lëndë të quajtur kolagjen e cila ju ndihmon për të pasur një lëkurë më të lëmuar dhe të shëndetshme. Konsumi i proteinave varet nga pesha juaj dhe nga aktiviteti juaj fizik, por mesatarisht konsumi ditor i proteinave është 50 gram në ditë.
- Përdorni krem për të masazhur barkun
Në treg mund të gjeni shumë kremra të cilat përmbajnë kolagjen, dhe vitamina E, C, A dhe K. Aplikimi i këtyre kremrave do ta bëjë lëkurën të tendoset pas lindjes. Gjithashtu masazhi do të përmirësojë qarkullimin e gjakut në barkun tuaj. Për një rezultat ideal masazhojeni barkun tuaj 2 herë në ditë.