Në dhjetor të vitit të kaluar Ministri i Shëndetësisë Rifat Latifi, u pati premtuar specializantëve se “Në fillim të Janarit” (Early January) do të miratohen kërkesat e tyre. Ndonëse kanë kaluar shtatë muaj, që nga muaji janar, kërkesat e tyre nuk janë miratuar.
Në mënyrë që kërkesat e tyre të dëgjohen Këshilli i Specializantëve ka kërkuara takim përsëri me Ministrin e Shëndetësisë, Rifat Latifi dhe Drejtoreshën e Shërbimit Spitalor Klinik Universitar të Kosovës, Pranvera Zejnullahu.
Në dokumentin e siguruar nga Gazeta Shneta Specializantët paralajmërojnë protesta nëse ministri Latifi dhe drejtoresha e ShSKUK-së, nuk pranojnë të takohen deri më 5 shtator 2022
“Kërkojmë nga ju që në kuadër të ndryshimit të udhëzimit administrativ t’i përfshini edhe kërkesat tona që: Specializantët e Mjekësisë së Përgjithshme nga kategoria me subvencione të kenë statusin e specializantit të rregullt, cdo kujdestari e mbajtur nga specializantët të kompenzohet në përputhje me ligjin e punës, të vazhdohen subvencionet për specializantët e Stomatologjisë”, thuhet në letrën e dërguar ministrit Latifi.
Specializantët janë të detyruar të mbajnë më tepër se dy kujdestari kështu duke mos respektuar vendimin se një specializant ka të drejtë të mbajë vetëm dy kujdestari madje për më tepër se një vit specializantët nuk paguhen për punën gjatë kujdestarisë – kërkesë të cilën e kanë theksuar në letrën e dërguar drejtoreshës së ShSKUK-së.
Këshilli i Specializantëve disa herë kanë mbajtur protesta para objektit të Ministrisë së Shëndetësisë për pakënaqësit e tyre mirëpo vetëm një herë kanë arritur të takohen me ministrin Latifi, pasi që ai nuk i është përgjigjur kërkesave të specializantëve.
Udhëzimi Administrativ
Sipas Nenit 2, të Udhëzimit Administrativ, shkollimi specialistikë bazohet në institucionet e autorizuara nga Ministria e Shëndetësisë.
Shkollimi specialistikë organizohet nga bordi, komiteti dhe mentori klinik i përcaktuar sipas kompetencave.
Bordi emërohet nga Ministria e Shëndetësisë, ndërsa bordi ka përgjegjësi të paraljmëroj ministrin për punët e bëra.
Ndërsa sa i përketë financimeve, Specializantët me Financim të Rregullt financohen nga buxheti i ndarë për Ministrinë e Shëndetësisë ndërsa për Specializantët me vet- financim financimi bëhet në mënyrë vetanake apo përmes subvencioneve./Gazeta Shneta/