Këto ushqime, kurrsesi nuk bën t’i jepen një fëmije të vogël!

2017-05-24 në ora 18:54

Deri në moshën 3 vjeçare ekzistojnë disa ushqime që nuk duhet të konsumohen aspak nga fëmija, si edhe disa ushqime që duhet të konsumohen në mënyrë tepër të moderuar. Prindërit duhet të jenë përgjegjës për një ushqyerje korrekte në mënyrë që kurbat e rritjes së fëmijës të jenë në nivelet e duhura.

Ndërkaq ushqimet që fëmija nuk duhet të konsumojë deri në moshën 3-vjeçare janë:

  • Kërpudhat duhet të konsumohen në sasi shumë të vogla pasi fëmija do t’i tresë. Ato duhet të konsumohen me raste dhe gjithmonë pasi jeni siguruar për cilësinë që kanë.
  • Ushqimet e tymosura (sallam, proshutë etj). Duke qënë se mund të përmbajnë substanca kancerogjene duhet të konsumohen në sasi tepër të limituara. Kjo vlen jo vetëm për fëmijët por edhe për gratë shtatzana.
  • Mund të provokojë varësi ndaj shijeve të ëmbla ashtu si edhe sheqeri. Pra duhet të konsumohet në sasi të limituara edhe pse ka shumë efekte pozitive në shëndetin e organizmit.
  • Yndyra shtazore duhet të përdoret në mënyrë shumë të moderuar pasi favorizon obezitetin. Do t’ju këshillonim përdorimin e vajit të ullirit ekstra të virgjër.
  • Ushqimet e pagatuara. Nuk duhet te konsumohen. Kryesisht ato të mishit, veza dhe peshku. Këto ushqime mund të provokojnë infeksione si pasojë e bakterieve që mund të përmbajnë. Sistemi imunitar i fëmijës nuk është në gjendje të mbrojë organizmin prej tyre.
  • Frutat e detit pasi mund të provokojnë helmim, kryesisht ato me guackë. Rreziku më i madh është salmonela.
  • Peshku shpatë, kjo pasi përmban shumë mërkur.
  • Kafe dhe pije të tjera me përmbajtje kafeine. Kanë një efekt stimulus dhe mund të ndikojnë në gjumin apo humorin e fëmijës.
  • Lëngjet e fruave dhe çaji i ftohtë. Mund të ndikojnë negativisht në shijet e fëmijës dhe të favorizojnë obezitetin.

Koka kola dhe pijet e tjera me gaz. Nuk kanë asnjë vlerë ushqyese dhe favorizojnë obezitetin. Fëmija do të mësohet me shijen e tyre dhe do t’i kërkojë vazhdimisht