Kjo është mosha që gjinekologët po këshillojnë të provoni për të ngelur shtatzënë

2018-07-24 në ora 15:44

Femrat lindin me të gjitha vezët që do t’i kenë gjatë jetës – rreth 1 deri në 2 milionë sosh.

Këto shifra zvogëlohen me moshën, por në momentin që një grua futet në fazën e pubertetit dhe fillon t’i lirojë ato vezë gjatë menstruacioneve, ajo mund të mbetet shtatzënë.

Parimisht, trupi juaj është super-fertil kur jeni adoleshente. Por, ndonëse trupi i një 15-vjeçareje mund të jetë i gatshëm për të mbetur shtatzënë, pjesa tjetër e saj nuk është e gatshme.

Kështu që, nëse flasim në aspektin biologjik, mosha më e mirë për një grua për të mbetur shtatzënë është në vitet e saja të 20’ta.

Deri atëherë, trupi i saj është mjaftueshëm i pjekur për të bartur një foshnjë – dhe ka një dekadë të plotë para se niveli i saj i fertilitetit fillon të bie (proces i fillon në moshën 32 vjeçare dhe bëhet më i shpejtë pas moshës 37 vjeçare).

Studime të shumta kanë treguar se gratë në vitet e fundit të 30’tave të tyre janë 50% më pak të prira të mbesin shtatzënë sesa gjatë viteve të 20’ta.

Edhe nëse mbetni shtatzënë në vitet tuaja të 30’ta, kjo gjë vjen me plot rreziqe: shanset për ta humbur foshnjën janë shumë të mëdha; rreziku për anomalitë kromozonale janë më të mëdha, etj. /Telegrafi/