Komuna e Prizrenit ka njofuar se ka filluar vaksinimi kundër Human Papilloma Virusit (HPV) tek nxënëset e klasave të gjashta në SHFMU “Emin Duraku”.
Kryetari Shaqir Totaj, së bashku me drejtorin e Shëndetësisë, Simir Krasniqi, morën pjesë në fillimin e aksionit të vaksinimit kundër kancerit të qafës së mitrës, në SHFMU “Emin Duraku” që po ndodhë për herë të parë në Prizren, transmeton Gazeta Shneta.
“Duke pasur parasysh rëndësinë e kujdesit shëndetësor parandalues, sot, në prani edhe të prindërve, u vaksinuan nxënëset e klasave të gjashta (11-12 vjeçare) me vaksinën kundër HPV-së (Human Papilloma Virus”, theksohet në komunikatë.
Komuna e Prizrenit ka cituar rëndësinë e vaksinimit duke shkruar se kanceri i qafës së mitrës, i shkaktuar kryesisht nga lloje të caktuara të HPV-së, është shkaku kryesor i vdekjeve të lidhura me kancerin tek gratë në mbarë botën. Ndërsa, duke e administruar vaksinën në moshë të hershme, synojmë të sigurojmë mbrojtje afatgjate kundër kësaj sëmundjeje potencialisht kërcënuese për jetën.