3-8 javë: Kjo është koha kur sigurisht e keni bërë testin e shtatzënisë që e ka treguar plusin magjik apo dy vijat. Koha është t’i telefononi gjinekologut tuaj dhe ta prenotoni ekzaminimin e parë.
8-12 javë: Në ekzaminimin e parë me sondën vaginale konstatohet nëse po zhvillohet shtatzënia brenda mitrës, nëse është fryti gjallë (dëgjohen të rrahurat e zemrës), matet fryti dhe llogaritet koha e paraparë për terminin e lindjes. Në ekzaminimin e parë do ta merrni librezën e shtatzënisë që është dokument obligativ për secilën shtatzënë. Bëhen hulumtimet laboratorike, te secila shtatzënë nevojitet të caktohet grupi i gjakut, Rh faktori, testi ICT dhe hemogrami, testi për sifilisin dhe toksoplamzozën. Pason analiza e urinës. Gjatë ekzaminimit të parë gjinekologu shpjegon rëndësinë e acidit folik gjatë shtatzënisë, të ushqyerit e drejtë, aktivitetet trupore dhe u jep informata tjera të rëndësishme prindërve të ardhshëm.
10-14 javë: Brenda kësaj periudhe pritet morfologjia e hershme e frytit dhe vlerësimi i rrezikut për parregullsi kromozomale – matja e translucencës nuhale. Bëhet edhe ultrazëri, me të cilin vlerësohet zhvillimi i hershëm i frytit dhe rreziku për sindromën Down dhe parregullsitë e tjera më të shpeshta kromozomale. Duke marrë parasysh ndjeshmërinë e diagnozës së ultrazërit që është rreth 70%, shtatzënave u rekomandohet ta bëjnë testin NIFTY. Bëhet fjalë për një test të thjeshtë, ku nga dora merret gjaku, ashtu sikurse për analiza laboratorike, dhe dërgohet për analizë. Rezultatet i merrni brenda disa ditëve me saktësi më të madhe se 99%, prandaj je e qetë kur i merrni rezultatet. Mund ta dini edhe gjininë e frytit.
Për të mësuar më shumë rreth Testit NIFTY Klikoni KËTU.
16-18 javë: Bëhet matja e peshës së shtatzënës, matet shtypja e gjakut dhe regjistrohen ndryshimet që po ndodhin në trupin e saj. Dëgjohen të rrahurat e zemrës së frytit, bëhet edhe kontrolli me ultrazë për ta përcjellë zhvillimin e frytit. Sipas nevojës mund të bëhet sërish analiza laboratorike e urinës. Gjatë çdo kontrolli plotësohet libreza e shtatzënisë dhe caktohet termini i kontrollit të ardhshëm.
20-23 javë: Bëhet kontrolli me ultrazë – shikohet morfologjia e frytit. Bëhet kontrolli i detajuar i të gjitha përbërjeve organike të frytit ku edhe kontrollohet zhvillimi normal i tij. Në atë moment mund të ndryshojë termini i pritur i lindjes, nëse haset në pengesa në rritje në raport me vlerësimin e fillimit të shtatzënisë. Nëse ende vlerësohet se ekzistojnë ndryshime gjenetike propozohet testi Nifty (nëse nuk është bërë në javët e para të shtatzënisë). Tek kontrollet specialistike 3D/4D të morfologjisë përcillet lëvizja e frytit, mimika e fytyrës. Bëhet gjithashtu hulumtimi laboratorik, hemogrami, përsëritet testi në toksoplazmozë tek gratë që nuk e kanë tejkaluar.
Për të mësuar më shumë rreth Testit NIFTY Klikoni KËTU.
Artikull i sponsorizuar